In'istorgia che raquinta dad in eveniment tragic – dentant era da speranza ed ina voluntad da fier da turnar puspè sin pais! Quest film documentar dals Cuntrasts accumpogna il bab e sportist passiunà davent da ses accident tras la reabilitaziun anavos a chasa en la veta da mintga di. In viadi emoziunal plain sconfittas e dischillusiuns.
Quest mument suenter la crudada, cura ch'jau sun puspè vegnì alerta, hai guardà giu sin il Lai Rivaun...hai sentì ch’jau na sai betg pli muentar las chommas… hai jau savì, dad ussa davent è tut auter! Quai è stà brutal.
-
Bild 1 von 6. Bildquelle: RTR.
-
Bild 2 von 6. Bildquelle: RTR.
-
Bild 3 von 6. Bildquelle: RTR.
-
Bild 4 von 6. Bildquelle: RTR.
-
Bild 5 von 6. Bildquelle: RTR.
-
Bild 6 von 6. Bildquelle: RTR.
Mo cun gronda fortuna ha Edi survivì questa crudada. Quest accident ha mess la vita dal bab da famiglia da Weesen SG sin il tgau dad ina secunda sin l’autra. L’accident dad Edi ha paralisà sia dunna Simona ed ils uffants Valentina, Fadri e Niculin. In mument incisiv fin il di dad oz.
Mia finamira é anc adina da pudair ir en enturn chasa a pe in di. In maraton na stos jau betg pli currer, na hai jau gea er avant betg fatg. Per mai sez sun jau cuntent sche jau sai acceptar ch’i na vegn betg pli sco ch'igl era ina giada. Jau sun dentant persvadi ch’jau vegn a metter autras finamiras. Dar si n’è mai stà in'opziun.
Il titel da quest filmè program: ceder na vegn betg en dumonda per Edi Truog! Pass per pass sa cumbatta Edi puspè anavos sin pes. Grazia sia disciplina diraglia ed in program da trenament minuzius po el oz, trais onns suenter l’accident puspè star sin pes, cun agid dad in rollatur schizunt far spassegiadas pli lungas. Malgrà la perdita da hobis sportivs cumbatta el per turnar en la vita – e chatta en quest process schizunt puspè anavos tar ina veglia passiun. Ina istorgia senza in happy end, dentant cun blers muments magics! Ceder na vegn definitiv mai ed esser ina opziun per Edi Truog!