Sco «head of side events» è l’um da 27 onns responsabel per tut ils eveniments da divertiment che marschan sper la pista. Eveniments sco partis cun DJ’s, concerts live, exposiziuns, films, discussiuns sco era musica en lounge e clubs ed insumma, tut en tut passa 60 eveniments giu en val u sin il culm.
Sco schef stoss jau esser calms, era sch'i na va davos las culissas betg tenor plan.
Era durant il rest da l'onn organisescha el sut il label da «Laax: Art+Culture» occurrenzas da divertiment da las pli differentas categorias. Sco insatgi che ha fatg sez musica, sappia el, quant grev ch'i saja da chattar buns lieus per performar sco artist. En sia rolla sco organisatur possia el uss era tanscher maun e far or da sia passiun sia professiun.
-
Bild 1 von 4. sias coordinatas per la vita . Bildquelle: RTR.
-
Bild 2 von 4. plaz da lavur durant il Laax Open . Bildquelle: RTR.
-
Bild 3 von 4. Logo creà d'in artist extra per il Laax Open. Bildquelle: RTR.
-
Bild 4 von 4. pli baud sin uss davos la tribuna . Bildquelle: RTR.
Tge consequenzas che la disgrazia en il Vallais ha per questa ediziun e co ch’el va enturn cun stress e squitsch durant quels dis raquinta il Sursilvan che ha ina stretga colliaziun cun Siat en il «Profil». Ed el tradescha era la istoria davos ses tatoo.