La chamona ch'era per questa stad il dachasa da Mattiu sa chatta en la Val Frisal sur Breil en la Surselva. Sin paucs meters quadrat ha il musicist da Trun vivì, scrit e registrà sias novas chanzuns.
-
Bild 1 von 4. Il musicist svedais Oliver Krieg ed il producent Máni Orrason vid registrar en la chamona. Bildquelle: RTR.
-
Bild 2 von 4. En chamona n'hai betg plaz per ina massa equipament. Bildquelle: RTR.
-
Bild 3 von 4. Differentas ghitarras per avair insatge per mintga stil. Bildquelle: RTR.
-
Bild 4 von 4. Il clavazin ch'è vegnì sgulà siadora cun il helicopter en la val. Bildquelle: RTR.
Sur bunamain dus mais han el e ses producent da l'Islanda, Máni Orrason, adina puspè gì visita da musicistas e musicist da l'entira Svizra e l'exteriur. Ils giasts èn savens restads per in pèr dis. En quel temp èn ellas ed els sa laschads inspirar da la natira, la ruassaivladad e la vita simpla en la val. Sin il nov album, che cumpara il 2027, èn pia betg mo d'udir chanzuns da Mattiu, mabain cunzunt collavuraziuns.
-
Bild 1 von 4. Mattiu davant la chamona. Bildquelle: RTR.
-
Bild 2 von 4. La Val Frisal sur Breil. Bildquelle: RTR.
-
Bild 3 von 4. Mattiu en la chamona ch'è studio, cuschina e chombra per durmir en il medem mument. Bildquelle: RTR.
-
Bild 4 von 4. La chamona ch'era per bunamain dus mais il dachasa da Mattiu. Bildquelle: RTR.
Sin la tschertga d'ina nova sfida
Mattiu ha ditg gì il giavisch da passentar in pli lung temp en la muntogna sin ina chamona. L'idea oriunda era simplamain da sa laschar inspirar, scriver in zichel ed eventualmain registrar in pèr versiuns da demo. Pass per pass è ord questa idea daventada la visiun da gist producir in entir album.
Plinavant n'era betg mo il stil da viver en la chamona pli simpel, era la moda e maniera da producir l'album è stada pli nunconvenziunala. Tgi che taidla bain, auda uschia forsa sin ina chanzun in tschivel dad ina u l'autra muntanella ch'abitava sper la chamona.