La nova seria rumantscha «L'ultim Rumantsch» po festivar premiera. Qua sut chattais Vus ina survista cura e nua che Vus pudais suandar las episodas.
La seria tar RTR – a partir dals 21-01-2024
Sin nossas atgnas plattafurmas (rtr.ch e PlayRTR) pudais Vus suandar tut las 5 episodas da la seria «L'ultim Rumantsch» a partir dals 21-01-2024.
La seria sin Play Suisse – a partir dals 21-01-2024
Play Suisse è la plattafurma da streaming da la Svizra nua che Vus chattais gratuitamain ina selecziun da films. Play Suisse porscha ina vasta paletta da films, serias, documentaziuns, reportaschas e contribuziuns d'archiv da las differentas parts da la Svizra – en lingua originala e cun suttitels, e quai en trais fin quatter linguas. La plattafurma reunescha en in sulet lieu il meglier da tut las regiuns e fa punts tranter las differentas culturas.
La seria en televisiun
| Datas d'emissiun sin SRF1 | Episoda |
| dumengia, ils 21-01-2024, 18:15 | Episoda 1: Neunavon |
| dumengia, ils 28-01-2024, 18:15 | Episoda 2: Nagina panica! |
| dumengia, ils 04-02-2024, 18:15 | Episoda 3: Persona non grata |
| dumengia, ils 11-02-2024, 18:15 | Episoda 4: Sut stailas |
| dumengia, ils 18-02-2024, 18:15 | Episoda 5: Corrigenda |
Era RTS mussa la seria «L'ultim Rumantsch sin ses emettur. Quai ils 05-03-2024 a las 21:00 sin RTS2.
RSI mussa la seria ils 08-03-2024 a las 23:00 sin RSI LA1.
