L'istorgia captivanta da la famiglia Durisch che maina en il Grischun in imperi da medias cuntinuescha e cun ella er las dispitas da la famiglia. En la segunda stafla è la chasa da medias periclitada, i va per schurnalissem regiunal e per intrigas aifer la famiglia. La finala maina ina retschertga fin a Genua.
Essas gia en tempra da «L'ultim Rumantsch»? Faschai part a noss quiz e gudagnai ina prenotaziun el il hotel Kurhaus a Bravuogn – in lieu che gioga ina rolla speziala en la segunda stafla da la seria. Tut quai ch'i dovra è la dretga resposta ed in zic fortuna e gia essas Vus quella u quel che gudogna il premi. La concurrenza dura enfin ils 12 da schaner 2026.
Guardar la seria online
-
Bild 1 von 3. La seria gioga avant e durant il temp da Nadal. Bildquelle: RTR.
-
Bild 2 von 3. Las retschertgas mainan Ladina e Corsin enfin a Genua en l'Italia. Bildquelle: RTR.
-
Bild 3 von 3. Ils fragliuns Durisch scuvran in misteri da famiglia. Bildquelle: RTR.
Stafla 1: dispita davart l'ierta
Cura ch'il patrun e fundatur da la chasa da medias mora, cumenza in cumbat da pussanza entaifer la famiglia. En ses testament ha Gion-Peder resguardà sia biadia Ladina che a Turitg. Ladina è in'activista incharnada che s'engascha per ils dretgs dals animals e la protecziun dal clima – tematicas che fruntan sin resistenza en la chasa da medias tradiziunala. Ma gist ella duai ussa manar la «Posta», l'ultima gasetta rumantscha.