Il program dal terz Festival da la chanzun rumantscha è varià e cumpiglia represchentaziuns da musicistas e musicists ed ensembles gia bain enconuschents.
Jau sun pertschert che giuvnas bands interpreteschan gugent musica englaisa. Mo i fiss bel sch’ellas chattassan era l’access al rumantsch.
Il venderdis saira pon dentant era duas bands da la Scola da musica Surselva sa preschentar, quai mintgamai cun trais chanzuns. Lur gronda sfida: quellas chanzuns ston esser rumantschas!
Questas duas bands èn vegnidas envidadas al festival:
La Marella ha visità emprovas dals SKYLINE WALKERS e da la gruppa K!SS ME. Sper impressiuns dal process d'emprova è d'intervegnir en quest'emissiun, pertge ch’ellas na chantan uschiglio strusch rumantsch e tenor tge criteris ch'els han tschernì las chanzuns.
Era d'udir èn in u l'auter dubi, mo era il pragmatissem e la luccadad en stanza d’emprova:
Bler na sa betg capitar. In applaus survegnin nus uschia ni uschia ed jau na crai betg ch’ins vegn a bittar cun tomatas sin nus.
Or da l'archiv: