Siglir tar il cuntegn

Header

audio
Open Air Chapella – in festival ch'è restà pitschen e famigliar
Or da Actualitad dals 05.08.2022.
laschar ir. Durada: 2 minutas 31 Secundas.
cuntegn

40avla ediziun Open Air Chapella stat avant porta

Durant la fin d’emna dals 5 fin ils 7 d’avust rapportain nus dal festival pitschen e tradiziunal en l’Engiadina.

Suenter l’Open Air Lumnezia – in dals pli gronds festivals dal Grischun spetga in dals pli vegls: l’Open Air Chapella. Quest onn ha quel lieu per la 40avla giada. Qua pon ins giudair ils concerts sin in cleragl en il guaud, sch’ins vul era direct da la tenda. Il festival engiadinais è l’open air per famiglias cun gieus per uffants e tgira d’uffants. Tradiziunalmain na vegn era betg vendì alcohol sin l’areal – il focus è sin star da cumpagnia e giudair la musica ed ils concerts.

Ils concerts

Durant il giubileum da l’Open Air Chapella sa preschentan puspè musicistas e musicists rumantschs, grischunas e da l’entira Svizra.

Il Line Up – Curt e cumpact

Avrir la box Serrar la box

Venderdi:

  • Julie Fox
  • Oak Street
  • Bonakponx

Sonda:

  • Aaron Aseria
  • Noxx
  • James Gruntz DUO
  • Make Plain
  • Marc Amacher
  • The Birthday Girls

Dumengia:

  • Coni Allemann
  • Pink Pedrazzi & Mike Bischof
  • Los Vacíos de Charly

Venderdi cumenza la giuvna chantadura grischuna «Julie Fox». Silsuenter suonda la band «Oak Street» cun Gianni Tschenett ch'han publitgà il 48avel Top Pop Rumantsch «Tschêl blov». In dals highlights da la fin d’emna spetga sonda vers saira cun l’enconuschent chantautur svizzer «James Gruntz». Dumengia datti sper il brunch tradiziunal era anc trais ulteriurs concerts.

Ord l'archiv

Uschia tunavi a l'Open Air Chapella dal 1988.

video
Open Air Chapella
Or da Telesguard dals 27.08.1988.
laschar ir. Durada: 5 minutas 11 Secundas.

RTR actualitad 12:00

Artitgels legids il pli savens

Scrollar a sanestra Scrollar a dretga