Dapi passa 30 onns organisescha il JBOG – Jugend Blasorchester Graubünden (l'Orchester d'instruments a flad da giuvenils Grischun) in'emna da musica per giuvnas e giuvens cun emprovas intensivas per preparar dus concerts finals. Dapi il 2023 è il giuven musicist Florian Schneider il manader. Ensemen cun Isabella Kraft han els dus organisà dirigent, manaders da register, localitads etc. per porscher a las giuvnas musicantas ed als giuvens musicants in'emna da musica.
Il lieu dal champ è la EMS-Schiers. La scola media da Schiers metta a disposiziun las localitads e sper tut la lavur d'emprovas intensivas han Florian Schneider ed Isabella Kraft er guardà ch'il divertiment na vegn betg a la curta.
Quest onn han deplorablamain be 35 giuvnas e giuvens sa participadas malgrà ch'il JBOG avess gì quest onn ina vaira corifea sco dirigent: Jean-Claude Kolly. Quest fatg fa in zic quitads als organisaturs sco er al president da l'Uniun chantunala da musica, Andy Kollegger. Er il fatg che be paucas persunas èn vegnidas al concert a Scuol il venderdi saira ha mussà ch'i dovra dapli sforzs per far reclama e per dar dapli attenziun a la promoziun da musicantas e musicants giuvens.
Impressiuns dal champ 2024 dal JBOG
-
Bild 1 von 18. Jean-Claude Kolly ha fatg emprovas intensivas. Bildquelle: JBOG 2024.
-
Bild 2 von 18. Il maestro Jean-Claude Kolly durant sia lavur. Bildquelle: JBOG 2024.
-
Bild 3 von 18. Dus percussiunists plain concentraziun. Bildquelle: JBOG 2024.
-
Bild 4 von 18. Concentrà ma tuttina cun plaschair. Bildquelle: JBOG 2024.
-
Bild 5 von 18. Il sunadur da xilofon a la lavur. Bildquelle: JBOG 2024.
-
Bild 6 von 18. Il register da posaunas vid exercitar. Bildquelle: JBOG 2024.
-
Bild 7 von 18. Register da trumbettas. Bildquelle: JBOG 2024.
-
Bild 8 von 18. Bildquelle: JBOG 2024.
-
Bild 9 von 18. Il manader e sia substituta: Isabella Kraft e Florian Schneider. Bildquelle: JBOG 2024.
-
Bild 10 von 18. Il register da flautas. Bildquelle: JBOG 2024.
-
Bild 11 von 18. Las sunaduras da flauta traversa. Bildquelle: JBOG 2024.
-
Bild 12 von 18. Ina sfradentada fa magari bain. Bildquelle: JBOG 2024.
-
Bild 13 von 18. Clarinettistas e clarinetists ensemen cun lur manader da register. Bildquelle: JBOG 2024.
-
Bild 14 von 18. Il manader Florian Schneider ha gì blera lavur avant e durant l'emna da champ. Bildquelle: JBOG 2024.
-
Bild 15 von 18. Er part a l'orchester d'instruments a flad fan natiralmain ils saxofons. Bildquelle: JBOG 2024.
-
Bild 16 von 18. Responsabels per il fund musical è il sturs grond. Bildquelle: JBOG 2024.
-
Bild 17 von 18. Er las posaunistas ed ils posaunists han tschertgà l'umbriva per far la fotografia. Bildquelle: JBOG 2024.
-
Bild 18 von 18. JBOG 2024. Bildquelle: JBOG 2024.
L'Artg musical preschenta il concert da Scuol. Jean-Claude Kolly ha mess ensemen in program variant dentant er pretensius per las giuvnas musicantas ed ils giuvens musicants.
L'entir concert è er da chattar sin Playfestas. Là pudais er tadlar ulteriurs concerts dal JBOG dals ultims onns. Sche ina u l'autra musicanta giuvna u musicant giuven ha gust da sa participar lura datti er ulteriuras infurmaziuns sin la pagina d'internet dal JBOG.
