Suenter il 2023 ha RTR er quest onn fatg l'offerta a chors, musicas instrumentalas e chapellas da musica populara da laschar far registraziuns da tun e maletg. Suenter Flem e Zernez l'onn passà è il team da RTR s'installà il mez avrigl 2024 en la Sala Grava a Savognin.
Da tuttas furmaziuns avain nus fatg videos da lur tocs registrads respectiv chanzuns registradas.
Quests videos chattais sin PlayRTR u er sin noss chanal da youtube. Qua be ina pitschna selecziun:
Tut ils audios èn plinavant da chattar sut rtr.ch/playfestas nua ch'i dat era ulteriuras registraziuns che RTR ha fatg ils ultims decennis. I vala la paina da dar in cuc sin questa pagina.
RTR registrescha quest onn cun audio e video er las producziuns da las musicas instrumentalas a la Festa chantunala a Claustra sco era las producziuns a la Festa districtuala da chant a Trun.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
