L'avantmezdi han cumenzà en las totalmain 13 salas da concert las producziuns avant las giurias d'experts. En la sala da congress è en gir la categoria excellenta da las Brass Bands. Sco emprima furmaziun è la MG Risch-Rotkreuz sa preschentada. Ella vegn dirigida d'in Rumantsch: Roman Caprez. Per el è quai l'emprima giada ch'el dirigia ad ina festa federala ina furmaziun da la pli auta categoria.
EMF26 – 13/14-5
-
Bild 1 von 20. Musikgesellschaft Risch-Rotkreuz & Roman Caprez. Bildquelle: RTR.
-
Bild 2 von 20. Bildquelle: RTR.
-
Bild 3 von 20. Nidwaldner Sonntagstracht. Bildquelle: RTR.
-
Bild 4 von 20. Bildquelle: RTR.
-
Bild 5 von 20. Bildquelle: RTR.
-
Bild 6 von 20. Bildquelle: RTR.
-
Bild 7 von 20. Bildquelle: RTR.
-
Bild 8 von 20. Bildquelle: RTR.
-
Bild 9 von 20. Bildquelle: RTR.
-
Bild 10 von 20. Bildquelle: RTR.
-
Bild 11 von 20. Bildquelle: RTR.
-
Bild 12 von 20. Bildquelle: RTR.
-
Bild 13 von 20. Bildquelle: RTR.
-
Bild 14 von 20. Showband Les Armourins. Bildquelle: RTR.
-
Bild 15 von 20. Bildquelle: RTR.
-
Bild 16 von 20. Bildquelle: RTR.
-
Bild 17 von 20. Tambourenverein Oberentfelden Muhen. Bildquelle: RTR.
-
Bild 18 von 20. Streetbandits. Bildquelle: RTR.
-
Bild 19 von 20. Bildquelle: RTR.
-
Bild 20 von 20. Musikgesellschaft Risch-Rotkreuz . Bildquelle: RTR.
L'aura fa in zic quitads a l'organisaziun. Perquai ch'i plova adina puspè ha il comité d'organisaziun decidì da metter la concurrenza da marschar en plirs blocs e da decider mintgamai in'ura ordavant sch'il bloc po vegnir realisà u betg. Avant curt è vegnì enconuschent che l'emprim bloc (12:30 – 13:38, via 1 ed 12:51 – 13:43 via 2) vegnan menads tras. Vus pudais persequitar la concurrenza da marschar sin il livestream da RTR.
Persequitar live la musica da parada!
Ceremonia d'avertura
Mesemna saira a las 17:00 ha la festa cumenzà cun ina ceremonia d'avertura. Sper pleds festivs, per exempel da Nadja Günthör (presidenta dal CO) u Luana Menoud-Baldi (presidenta Uniun svizra da musica) hai dà era varsaquantas producziuns da musica. Sco punct culminant è vegnida surdada la bandiera da l'USM al CO dal EMF26. Questa saira datti anc in concert da gala dal Symphonisches Blasorchester des Schweizer Armeespiels. E per las societads da musica participantas cumenzan las concurrenzas gievgia avantmezdi.
L'Engiadina va era a Bienna
Dus tocs da concert han ils musicants e las musicantas d'emprender durant sulettamain trais emprovas – quai per ir a l'EMF26 a Bienna. Per blers musicants e bleras musicantas è quai in siemi da pudair participar ad insa festa federala. Perquai èn 70 persunas da l'Engiadina s'unidas ad ina gruppaziun ad hoc. Cun be trais emprovas communablas è quai schon in pau ina sfida.
Cun in pau positivitad stuess quai dentant ir. Ma be sch'ins exercitescha era a chasa.
Per la terza giada a Bienna
Per la terza giada en l'istorgia (suenter 1880 e 1976) po Bienna organisar ina festa federala da musica. Il 35avel inscunter naziunal da musica instrumentala vala sco ina da las pli impurtantas occurrenzas da la Svizra e tutga cun radund 22'000 musicantas e musicants tar las pli grondas festas da musica dal mund.
Zum dritten Mal in ihrer Geschichte – nach 1880 und 1976 – darf Biel ein Eidgenössisches Musikfest durchführen. Das 35. Eidgenössische Musikfest für Blasmusik zählt zu den bedeutendsten musikalischen Grossanlässen der Schweiz und gehört mit rund 22’000 Musikerinnen und Musikern zu den grössten Blasmusikfesten weltweit. Das letzte Musikfest fand 2016 in Montreux statt; die ursprünglich für 2021 geplante Austragung musste pandemiebedingt abgesagt werden.
Während der Festtage rechnet Biel mit rund 100’000 Besucherinnen und Besuchern. Für einen reibungslosen Ablauf sind zahlreiche helfende Hände nötig: etwa 2’400 Freiwillige haben sich gemeldet, um mit ihrem Einsatz zum Gelingen des Anlasses beizutragen und ihn für alle Beteiligten in guter Erinnerung zu behalten.
Mit 550 angemeldeten Musikvereinen verzeichnet das Musikfest einen neuen Rekord. Die teilnehmenden Formationen treten in verschiedenen Kategorien und Stärkeklassen auf und stellen sich den Bewertungen der Jury.
Unter dem Festmotto «Musik verbindet» erwartet das Publikum neben den Wettbewerben ein vielfältiges Rahmenprogramm sowie ein grosses, lebendiges Stadtfest, das Biel während der Festtage ganz in den Zeichen der Musik stellt.
Bienna spetga radund 100'000 visitadras e visitaders durant ils dis da festa. Quai dovra er ina massa voluntaris, radund 2'400 persunas èn s'annunziadas per gidar e far buns servetschs per che la festa haja success e restia en buna memoria.
550 societads da musica (in nov record) èn s'annunziadas e sa preschentan en diversas categorias e classas da fermezza davant la giuria. Sut il motto da festa «musica collia» datti er in vast program accumpagnant sco er ina gronda festa da citad.
Musicas grischunas
Dal Grischun sa participeschan 14 societads da musica. L'Engiadina vegn represchentada d'ina musica da project. Il dirigent Reto Lehner ha mess en pe a posta per la festa federala la «Uniun Musicala Engiadina». Las bleras societads grischunas èn vidlonder la sonda.
Tocs da pensum
A mintga festa federala da musica han las furmaziuns da preschentar davant ina giuria in toc da patg, che mintga musica po eleger sez ed in toc da pensum che la cumissiun da musica da l'Uniun svizra da musica tscherna. Ils tocs da pensum han las furmaziuns survegnì 10 emnas avant la festa. A Bienna han ellas da sunar las suandantas ovras:
Purschida da RTR e las autras unitads
Natiralmain che RTR na dastga betg mancar ad ina tala festa da musica. RTR filmescha l'entira concurrenza da marschar ed emetta quella sur quatter dis live en il livestream.
Il puls da Bienna curt avant la festa
-
Bild 1 von 14. Bainvegni a Bienna: Gia per la terza giada suenter il 1880 ed il 1976 dastga la citad bilingua el nordvest da la Svizra organisar la pli gronda festa da musica dal mund. A la sortida da la staziun beneventa la citad las musicistas ed ils musicists da las passa 530 societads da tut la Svizra. Bildquelle: RTR.
-
Bild 2 von 14. Per ina festa paschaivla e segira: Passa 300 da questas barrieras mobilas vegnan a segirar l’areal da festa. Anc spetgan ellas en ils lieus da depot provisorics. En tut han ils organisaturs investì ina mesa milliun francs per garantir la segirtad da musicistas e visitaders. Bildquelle: RTR.
-
Bild 3 von 14. Durant ils quatter dis da festa spetgan ils organisaturs circa 24’000 musicistas e musicists, ensemen cun las visitadras ed ils visitaders vegnan probabel 100’000 persunas a Bienna per la Festa naziunala da musica. Bildquelle: RTR.
-
Bild 4 von 14. Nadja Günthör, la presidenta dal comité d’organisaziun sa legra da beneventar las passa 24’000 musicistas e musicists. Gnervusa na saja ella betg. Ella saja fitg loscha sin tut las persunas che han gidà che la festa federala da musica po suenter mo in onn organisaziun intensiva ussa finalmain cumenzar la mesemna sera. Bildquelle: RTR.
-
Bild 5 von 14. Sin la Place de l’Esplanade visavi la chasa da congress vegn installada la tenda gronda cun la tribuna principala. Sper la festa d’avertura e divers concerts ha qua era lieu mintga saira la proclamaziun dals resultats da la concurrenza da marschar e da sunar. Bildquelle: RTR.
-
Bild 6 von 14. Il tetg paisa circa 11 tonnas e duai unir musicistas e musicists e tut ils osps che visitan la festa federala da musica. Avant che las trais cranas han pudì auzar la construcziun han experts stuì calcular la statica dal parcadi sutterran sin il qual la tenda stat. Lez figurescha durant la festa sco magasin per ils instruments da las musicas. Bildquelle: RTR.
-
Bild 7 von 14. Sper l’armada sustegn era la protecziun civila las lavurs da construcziun. Per exempel cun bajegiar ensemen las bars en las tendas da vendita. Durant ils quatter dis da festa vegnan pliras tschient persunas vitiers, saja quai per guidar musicistas e musicists, pertgirar instruments ni era per assister en ils locals da preparaziun e da concert. Bildquelle: RTR.
-
Bild 8 von 14. Stefan e Stefan gidan nua ch’i dovra: Stefan (giacca blaua) è il mument senza lavur e sa legrà da pudair gidar ed esser part da quai grond eveniment. Ses collega Stefan (giacca melna) è sez musicist e sa legra d’astgar sa preschentar cun ses collegas alla festa federala da musica a Bienna. Bildquelle: RTR.
-
Bild 9 von 14. La festa federala da musica è era ina sfida logistica. Kilometers da cabels per l’electricitad e per tun e video ston vegni mess. Bildquelle: RTR.
-
Bild 10 von 14. Responsabels per che tut funcziunescha ed è en il dretg lieu è Gerhard Steiner. Quests dis è el in cuntin da viadi, ses telefonin scalina adina puspe. Impurtant saja da adina avair la survista da quai che marscha. Perquai dovria ina buna purziun pragmatissem e flexibilitad. Bildquelle: RTR.
-
Bild 11 von 14. Per la montascha da las glischs e da las boxas tar la tribuna gronda dovri spezialistas e spezialists. Ina sfida è l’aura bletscha ch’augmenta il privel d’accidents. Bildquelle: RTR.
-
Bild 12 von 14. Roland è responsabel per il catering sin la plazza. Per el betg l’emprim event da quella grondezza. Gia a la festa federala da lutga a Pratteln il 2022 ha el procurà per che nagin stueva patir fom e said. El spera sin bell’aura e temperaturas amiaivlas, quai malgrà la previsiun da l’aura schleta per la fin d’emna. Bildquelle: RTR.
-
Bild 13 von 14. Nua sa chatta il depot d’instruments, nua cumenza il traject da parada? Anc èn las tavlas d’infurmaziun vitas. Durant la fin d’emna d’Anzainzas duain ellas infurmar musicists e visitadras. Bildquelle: RTR.
-
Bild 14 von 14. Circa 130 expertas ed experts vegnan a valitar las prestaziuns da las passa 530 musicas. In dad els è Markus Morgenegg. Da quai da 50 musicas vegn el a prender sut la marella durant ch’ellas marschan. Quai ch’ils organisaturs hajan prestà l’ultim onn saja extraordinari ed el sa legria sin quatter dis intensivs mo era da buna cumpagnia. Bildquelle: RTR.
L'entira SRG SSR rapporta da l'occurrenza ch'ha lieu mintga tschintg onns. Tranter auter datti in'emissiun naziunala «Potzmusig» cun il num «Bella musica» en las quatter linguas naziunalas. Vitiers datti diversas emissiuns communablas era sin las segundas chadainas da SRF, RTS e RSI.