Sin l’areal han blers cuschinà sez ubain èn sa servids en la tenda da festa. Là han ins era savì leger da l’istorgia dal festival ch’è vegnì fundà il 1981. Tut en tut tiran las organisaturas ed ils organisaturs in facit positiv. Tenor Jonas Bürkli possian els era quest onn puspè quintar cun cifras nairas. Bun 500 persunas han chattà la via en l’Engiadina per trais dis festa ruassaivla. Uss vegni ina giada fatg urden ed en curt cumenza gia la planisaziun per la 41avla ediziun.
Impressiuns da la sonda
-
Bild 1 von 9. Il sulegl è viers saira turnà. Bildquelle: RTR, Dominic Pohle.
-
Bild 2 von 9. Il public ha giudì sis concerts da divers musicists. Bildquelle: RTR, Dominic Pohle.
-
Bild 3 von 9. Il duo tessinais Make Plain han purtà blera energia a Chapella. Bildquelle: RTR, Dominic Pohle.
-
Bild 4 von 9. Duas aspectaturas avant tribuna durant il concert da Noxx. Bildquelle: RTR, Dominic Pohle.
-
Bild 5 von 9. Aaron Asteira ha sunà sco emprim la sonda ensemen cun la battarista Momo Kawazoe. Bildquelle: RTR, Dominic Pohle.
-
Bild 6 von 9. Era avant tenda han ins savì giudair ils concerts. Bildquelle: RTR, Dominic Pohle.
-
Bild 7 von 9. In dals highlights musicals da l'Open Air Chapella. Bildquelle: RTR, Dominic Pohle.
-
Bild 8 von 9. Bain inqualin ha chattà la via avant tribuna per saltar. Bildquelle: RTR, Dominic Pohle.
-
Bild 9 von 9. Tar il concert da Marc Amacher ha la tribuna tremblà era cun agid da ses battarist. Bildquelle: RTR, Dominic Pohle.
Durant l’entir di avain gì diversas visitas en la rulotta. Tranter auter era cun il Grischun Tamino Weggler da la gruppa Noxx. Ubain cun ils bernais a Chapella: il rockadur Marc Amacher ed il chantautur James Gruntz. Era Aaron Asteria e la battarista Momo Kawazoe che han dà la sonda il culp da partenza dals concerts èn stads sin visita. Els han discurrì da lur project musical e co els han passentà lur concert a Chapella.
Tranter las tendas hai era dà concerts
Tranter las tendas èsi da chattar amaturs da l’Open Air Chapella, giuvens e vegls. Per part stattan era artistas ed artists sur notg en tenda sin l’areal e giaudan medemamain cun il public l’atmosfera dal festival. Cura che nus avain entupà la gruppa Noxx avant lur tenda han els sunà per nus.
Er ils viandants da Mustér a Müstair èn arrivads a Chapella
Il team da la turnea da festivals n’è betg ils sulets che han chattà la via en l’Engiadina. Era Livio Foffa, Curdin Fliri e Roman Schmid han ensemen cun il chaun Loui fatg in paus da lur viadi da Mustér a Müstair enta Chapella.
Ils highlights dal venderdi
-
Bild 1 von 7. Per il concert da Bonkaponxz han blers chattà la via avant tribuna. Bildquelle: RTR, Dominic Pohle.
-
Bild 2 von 7. Nus filmain, registrain e fotografain durant la fin d'emna a Chapella. Bildquelle: RTR, Dominic Pohle.
-
Bild 3 von 7. Gianni Tschenett ha sunà sco segund il venderdi saira. Bildquelle: RTR, Dominic Pohle.
-
Bild 4 von 7. Bonkaponxz numnan lur musica Horns'n'Roll. Bildquelle: RTR, Dominic Pohle.
-
Bild 5 von 7. Venderdi han tuts ch'èn stads sin il palc era chattà la via en la rulotta per in'intervista. Bildquelle: RTR, Dominic Pohle.
-
Bild 6 von 7. Strusch è l'urizi stà passà è l'areal avant tribuna s'emplenì. Bildquelle: RTR, Dominic Pohle.
-
Bild 7 von 7. L'artg s. Martin sur la rulotta da RTR ha marcà la fin da l'urizi. Bildquelle: RTR, Dominic Pohle.
In‘intervista cun sfidas: Gianni Tschenett da la band Oak Street ed il moderatur Elias Tsoutsaios audan sa sez cun in zic retard. Co quai vesa ora pudais guardar qua:
Il venderdi saira han la chantautura Julie Fox, la gruppa Oak Street cun lur chantadur Gianni Tschenett e la gruppa da rock Bonkaponxz sunà. Blera glieud ha mess si tendas sin l’areal e malgrà l’aura ch’era anc betg ideala han insaquantas visitadras e visitaders chattà la via avant la tribuna. Noss moderatur Elias Tsoutsaios ha era gì visitas en la rulotta e pudì far insaquantas intervistas. Tranter auter raquinta Julie Fox sco quai è stà per ella da cumenzar cun il festival. Da Gianni Tschenett e Daniel Duschletta vegnin a savair co els han cumenzà a far musica e co quai funcziuna tar Bonkaponxz cun il battarist returnà.
Atmosfera famigliara
A l’Open Air Chapella è tut in pau auter che per exempel a Degen a l’Open Air Lumnezia. I na vegn betg vendì alcohol, la tribuna è in bun tant pli pitschna e l’areal da campar e quel da far festa èn pli u main il medem. Quai è dentant era la finamira dals organisaturs e las organisaturas dal festival. Crear in’atmosfera paschaivla per famiglias e per star da cumpagnia.
Potpurri da geners
Musicalmain porscha il festival tranter S-chanf e Brail in potpurri da geners. Da rock, pop, hip hop fin folk ed era ina giada ina chapella da musica populara. I dat era adina puspè bands che han sunà tar l’Open Air Chapella avant lur grond success, per exempel «77 Bombay Street», «Pegasus» ubain «Dada Ante Portas» – i renda pia da tadlar las musicistas ed ils musicists anc betg uschè enconuschents che sunan al Chapella.