Siglir tar il cuntegn

Header

audio
Tge program porscha RTR durant l'Open Air Lumnezia?
Or da Actualitad dals 21.07.2022.
laschar ir. Durada: 5 minutas 29 Secundas.
cuntegn

Las preparativas Dal line up fin tar la prognosa da l'aura

Suenter dus onns pausa sfurzada èsi finalmain uschè lunsch: L’Open Air Lumnezia (OAL) ha puspè lieu. Quai munta buna musica e divertiment durant 3 dis. Davart dumondas avertas enturn ils bigliets, ils prads per l'open air fin tar il line up e la prognosa da l'aura chattais vus qua il pli impurtant.

video
Previsiun da l'aura
Or da RTR Social dals 20.07.2022.
laschar ir. Durada: 1 minuta 2 Secundas.

En il satgados per l'Open Air Lumnezia tutgan quest onn tant ils stivals da gumma sco er la crema da sulegl, ed ina giacca chauda per la notg. Dentant il pli savens vegn la crema da sulegl en acziun. L'openair cumenza gievgia cun ina maschaida da sulegl e nivels e temperaturas da 24 grads. La notg svaneschan ils nivels lura dentant e venderdi è in di chaud da bellezza cun bler sulegl e 28 grads. Er las notgs èn miaivlas cun minimum 15 grads. Sonda sa mida l'aura dentant. La prognosa per Degen prevesa dapli nivels ed i po schizunt plover in zic. Il meteorolog da SRF schazegia la probabladad per plievgia dentant sin be 20%.

audio
OAL: tge ch’il meteorolog da SRF manegia da l’aura
ord Actualitad dals 20.07.2022.
laschar ir. Durada: 1 minuta 42 Secundas.

Dario Hess da Sedrun è l’emprim sin il palc

Vus n’avais nagin bigliet? Ubain vegnis pir pli tard a l’openair? Qua tar nus pudais guardar e tadlar ils concerts. Gievgia saira online en il livestream davent da las 20.00 e mintga saira en il radio da las 18.00 fin las 23.00.

10 dis avant l’Open Air Lumnezia, ha Dario Hess, l’emprim musicist che vegn a star gievgia sin il palc a Degen, visità nus en il studio da radio e nus avain sclerì tut las dumondas avertas enturn ils bigliets da l'open air.

video
3 dumondas per Dario Hess
Or da RTR Social dals 11.07.2022.
laschar ir. Durada: 1 minuta 18 Secundas.

Lantschar il festival gievgia suentermezdi dastga il matador local da Sedrun, Dario Hess cun ils Spanky Hammers. Co che quai è per l’um da 28 onns e co el sa prepara sin la gronda tribuna ha el raquintà live en il studio da radio. Sa chapescha n'è el betg vegnì senza sia ghitarra.

Quai eran duas chanzuns ch'el ha chantà live en il studio:

audio
Dario Hess è stà live en il studio da RTR
ord Actualitad dals 11.07.2022.
laschar ir. Durada: 56 minutas 3 Secundas.

Tge èsi da resguardar tar ils bigliets cumprads avant dus onns?

  • Pers il bigliet: Nagin problem. T’annunzia simplamain sut questa adressa (info@openairlumnezia.ch) cun tes num, adressa da mail, adressa postala e nua che ti has cumprà il bigliet. Sche tut constat trametta ina collavuratura u collavuratur a tai anc ina giada il bigliet electronic.
  • Cumprà in bigliet cun la StuCard, ma uss n’has nagina pli: Cletg per tai! Il bigliet vala malgrà che ti has oz nagina StuCard pli.
  • Cumprà il bigliet cun 14 onns, ma uss has 16 onns ed avessas in'autra categoria: Nagina panica, ti stoss be mussar tia carta d’identitad tar la cassa e survegns il bindel tenor tia vegliadetgna actuala.
  • Novs temps d’avertura: Ils temps d’avertura che stattan sin ils bigliets dal 2020 n’èn betg pli actuals. (Nov: gievgia gia a las 13:00, venderdi a las 09:00)
  • Nagin bigliet: Las organisaturas ed ils organisaturs tschertgan anc intginas gidantras e gidanters – persuenter poss ti ir gratuit al festival.
audio
Bigliets dal 2020 – tgenins valan e co funcziuni?
ord Actualitad dals 14.07.2022.
laschar ir. Durada: 2 minutas 42 Secundas.

Tge din ils purs da quai che lur prà vegn duvrà per il festival?

video
Open Air Lumnezia 2022: il prà da Renzo Blumenthal daventa parcadi.
Or da sil punct dals 15.07.2022.
laschar ir. Durada: 1 minuta 56 Secundas.

L'ex-mister Svizra Renzo Blumenthal che cultivescha durant l'onn il prà che vegn duvrà per parcadis al festival, guarda cun sentiments maschadads sin ils proxims dis. Cunzunt sch'i plova, datti gronds donns al prà ed i na crescha betg bler pli suenter quels dis. Dentant sa legra Renzo Blumenthal era dad ir sez a l'openair e vesa questa occurrenza sco buna reclama per la Lumnezia.

audio
Renzo Blumenthal davart donns vid ils prads durant il Open Air Lumnezia
ord Actualitad dals 16.07.2022.
laschar ir. Durada: 2 minutas 23 Secundas.

E co tuna l’Open Air Lumnezia 2022?

Il punct culminant da la gievgia saira – la saira svizra – è la derniera dals rappers rumantschs «Liricas Analas». Avant tutga la tribuna als Newcomers «The Oskars» (SG), «Crispy Dee» (TG) e «We Are Ava» (SG) che surdattan suenter als matadors locals «Hess and The Spanky Hammers», ils Grischuns dal cor «Dabu Fantastic» e «77 Bombay Street».

Il Line Up curt e cumpact

Avrir la box Serrar la box

Gievgia:

  • The Oskars
  • Crispy Dee
  • We Are Ava
  • Hess & The Spanky Hammers
  • Dabu Fantastic
  • 77 Bombay Street
  • Liricas Analas


Venderdi:

  • Mischgewebe
  • Naomi Lareine
  • Pedestrians
  • Marius Bear
  • Giant Rooks
  • Dropkick Murphys
  • Paul Kalkbrenner


Sonda:

  • Mattiu
  • Mimiks
  • Lola Marsh
  • Bastian Baker
  • Alligatoah
  • Lo & Leduc
  • Biffy Clyro

Era venderdi e sonda sa preschentan blers acts svizzers sin la tribuna a Degen. Tranter auter «Mattiu» che ha gudagnà il plaz sin tribuna gronda il 2019. Ma era acts internaziunals sco «Biffy Clyro», «Giant Rooks» ubain «Lola Marsh» vegnan en Lumnezia. In pign exempel sco quai tuna chattais qua:

Ord l'archiv

video
Open Air Val Lumnezia: giubileum da 10 onns
Or da L’archivar recumonda dals 14.08.1994.
laschar ir. Durada: 8 minutas 38 Secundas.

RTR actualitad 11:00 +

Artitgels legids il pli savens

Scrollar a sanestra Scrollar a dretga