Hus-band – «Caught In The Rain»
L’idea per ina band è naschida il 2023 a Lugano. Matteo Bertini e Mattia Mantello han lura fundà la gruppa ensemen cun ils frars Sicilia; Federico e Riccardo. Tuts quatter èn musicists ch’èn gia plirs onns activs sin il palc naziunal. Anc il medem onn han els publitgà lur singles da debut «Wanderer» ed «L.S.D.». 2024 han els lura publitgà lur album da concept «Cheap Rock» e gest anc il medem onn gia la proxima single. En quai ritmus fa la gruppa dal Tessin enavant ed han uss publitgà «Caught In The Rain». L’èra actuala da la gruppa duai esser pli varionta e melodica. Lur single actuala ch’è la selecziun da l’acziun Mx3 – tuts per in duai esser in’emprima vista sin lur stil nov.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
Durant l’entir avust pon els uss sa preschentar en l’entira Svizra en ils radios da RTR, SRF 3, Couleur 3 e Rete Tre.
