Siglir tar il cuntegn

Header

cuntegn

Mx3 tuts per in fanadur Mattiu – «Va lunsch»

Suenter che Mattiu ha publitgà sia EP «Sur la Selva» è el vegnì elegì sco «SRF 3 Best Talent» ed uss po el sa preschentar cun sia single «Va lunsch» en l’entira Svizra.

Ils ultims set onns ha Mattiu Defuns cumenzà cun ina carriera exemplarica ch’è fin uss pli u main be ida ensi. Cun sia nova EP «Sur la Selva» in album pitschen cun sis chanzuns va el musicalmain in pau autras vias. Pli experimental cun tuns sferics e tut per rumantsch. Quai saia sia lingua materna e la lingua en la quala el sappia s’exprimer il meglier. Ina da quellas chanzuns novas è «Va lunsch» ch’è uss vegnida selecziunada per l’acziun Mx3 – tuts per in dal fanadur. En quella chanzun raquinta el dal desideri da partir, in tschert mal dal lontan dentant er dal plaschair da la patria e da sia passiun per la musica.

Mx3 – tuts per in

Avrir la box Serrar la box
Il logo da la seria Mx3 - tuts per in.
Legenda: RTR

L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.

Artitgels legids il pli savens

Scrollar a sanestra Scrollar a dretga