Paris, Berlin, Milaun – l’artist è gugent sin viadi e lavura en l’entira Europa. Tatum Rush, ubain Giordano Rush ha studegià “Performancekunst” a Genevra. El di ch’el sto tranteren franar sasez – mancanza da motivaziun haja el mai. Perquai na sa restrenscha el n’era betg be sin il chantar e sa fatschenta era sco cumponist, producent, sautunz ubain producescha videos.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
Propi sfundrà en il mund musical è el cun 14 onns cura ch’el ha scuvra il Bossa Nova. Cura ch’el ha lura chattà la via tar la musica brasiliana ha el era prendì enta maun ses emprims instruments e bainprest cumenzà a sunar jazz. Sa tschentà è el la finala tar la musica da pop. Quai saja ina maschaida tranter seriusadad e kitsch. Cun «Valentina» cumbinescha el uss tut quellas influenzas cun sias ragischs talianas ed è cun quai il zercladur d’udir en ils radios da SRF, RSI, RTS ed RTR.
