Fiona Fiasco – «Stacy»
In zic sco ina séance – ina seduta spirituala plaschaivla saja la chanzun «Stacy» da Fiona Fiasco. I è ina conversaziun cun in spiert-ami durant palandrar da mesanotg atras ina cuntrada pura d’in auter mund. Tenor la chantadura haja ella s’imaginà quai sc’ina scena ord in film. Ina scena nua che duas amias s’inscuntran suenter in lung temp en la ruina d’in casti – mo che ina da quellas amias è in spiert.
Istorgias cun spierts èn savens istorgias da sgarschur. Fiona Fiasco ha dentant ina gia vulì midar quellas rollas e scriver in’istorgia positiva. Forsa era sc’in uffant cun ses ami imaginar. «Stacy» è ina chanzun che porta vi cun la tematica e l’instrumentalisaziun insatge d’in film da sgarschur, duaja cun tadlar pli exact dar in bun sentiment. Era uschiglio rendi da tadlar pliras giadas la chanzun, perquai ch’ins chatta adina puspè differents elements che cumparan be curt en la chanzun – sco spierts.
Durant il mais favrer emettan ils emetturs da SRF3, Couleur 3, Rete Tre ed RTR la chanzun «Stacy» en l’entira Svizra.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
