Mortòri – «Sara»
Quest onn ha il musicist tessinais Mortòri publitgà sia EP «A Mort l’Amur». En quella tematisescha el las varts negativas da l’amur e la romantica. Ironicamain ha el publitgà quella EP ils 14 da favrer. Medemamain tematisescha el la relaziun tranter il local ed il global e fa quai en il dialect tessinais. Ina da sias chanzuns actualas sa numna «Sara» ed è uss vegnida selecziunada per l’acziun mx3 – tuts per in. Sin sia EP sa deditgescha Mortòri a divers geners. Tar «Sara» è quai per exempel New Wave e solos da synthesizers. Schegea che la chanzun è ina da quellas cun il pli bler schlantsch sin l’EP è quai medemamain era la pli trista. Il text sa fatschenta cun la mort d’ina ex-amia dal chantautur. Uschia parta el en sias chanzuns gugent patratgs e schabetgs da sia vita.
Uss po el raquintar sias istorgias a l’entira Svizra durant il december en ils radios da RTR, SRF 3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
