Blu boy express – «bb dans mes rêves»
Suenter ses temp en il duo BARON.E sa preschenta il giuven producent e musicist svizzer Arnaud Rolle uss cun Blu boy express. Fin e plain forza il medem mument destillescha el musica d'indie-pop captivanta cun texturas melanconicas e raquints universals. Influenzà da divers artists sco per exempel King Krule, James Blake, Disiz, Mk.Gee, Odezenne e Mount Kimbie, dat Blu boy express tuns multifars a sias cumposiziuns franzosas ch'èn enragischadas profundamain en musica da rap e musica alternativa.
Durant l’entir settember pon els uss preschentar lur nova chanzun «bb dans mes rêves» en l’entira Svizra en ils radios da RTR, SRF 3, Couleur 3 e Rete Tre.
