Kissed & a6el – «C’est toi qui me dis»
Durant l’entir mais schaner è la chanzun «C’est toi qui me dis» d’udir en ils radios da RTR, SRF3, Couleur 3 e Rete Tre. Ensemen cun “Kissed” ha il rapper da Losanna “a6el” publitgà ina chanzun tranter rap, rock e pop. En la chanzun tematiseschan els il cuntrast tranter brama e la realitad. Musicalmain èsi ina chanzun cun ina tematica seriusa zuppà en ina melodia tschiffanta da pop. Medemamain descriva la chanzun ils muments curt avant la fin d’ina relaziun – ma cun il giavisch dal protagonist u da la protagonista da far enavant e da betg laschar ir a la fin la relaziun. Ina chanzun plain cuntrasts e marcada da la nostalgia.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
