Siglir tar il cuntegn

Header

audio
100 projects da construcziun d’edifizis sacrals en 50 onns
Or da Vita e cretta dals 19.06.2022.
abspielen. Laufzeit 59 minutas 30 Sekunden.
cuntegn

Vita e cretta 100 projects da construcziun d’edifizis sacrals en 50 onns

Ina veritabla unda da construcziun hai dà en il Grischun a partir da la mesadad dal 15avel tschientaner. Da lez temp èn vegnidas bajegiadas e renovadas numerusas baselgias e chapluttas en il stil da l’architectura gotica tardiva.

Ina da quellas è la baselgia Sontg Flurin a Ramosch. La construcziun nova da la baselgia è vegnida consecrada l’onn 1522, pia avant 500 onns. La raspada da Ramosch festivescha il giubileum da sia baselgia ils 17 da zercladur.

audio
Ina giubilara da 500 onns – la baselgia Sontg Flurin a Ramosch
aus Vita e cretta vom 12.06.2022.
abspielen. Laufzeit 10 minutas 46 Sekunden.

Ina sairada tematica festiva

Perquai datti quel di ina sairada festiva cun musica, discurs e surtut cun ina massa tschegns istorics.

Ils bancs cun las spundas autas per ils umens en la baselgia Sontg Flurin valevan da quellas uras sco insatge zunt particular e custaivel.
Autur: Christoph Reutlinger reverenda da la plaiv refurmada da Valsot

Reverenda Christoph Reutlinger è be fieu e flomma cura ch’el raquinta da «sia» baselgia Sontg Flurin. Quella è numnadamain ina funtauna istorica pli che ritga:

Ses bancs mussan las structuras socialas dad ina giada, ses plafond è in paradis da flurs e sia orgla è vegnida restaurada per savair vegnir sunada la saira d’anniversari.

In veritabel «boom» da construcziun

Dal medem temp sco la baselgia Sontg Flurin derivan era varsaquants auters edifizis sacrals che stattan sin il territori dal Grischun d’ozendi.

Tranter ils onns 1470 e 1520 èn vegnidas fabritgadas ubain transfurmadas dapli che 100 baselgias en il stil gotic tardiv en il Grischun. Questa conjunctura auta ha gì pliras raschuns.
Autur: Nott Caviezel istoricher d'art ed anteriur professer per la tgira da monuments

Ins discurra d’in veritabel «boom» da construcziun ubain da renovaziun d’edifizis sacrals en la perioda da la gotica tardiva.

audio
100 projects da construcziun d’edifizis sacrals en 50 onns
aus Vita e cretta vom 19.06.2022.
abspielen. Laufzeit 11 minutas 1 Sekunde.

Ord tge motivs ch’ins ha construì tant, tge baselgias marcantas ch’èn vegnidas erigidas en quest temp en il Grischun e sco ch’ins ha finanzià quest moviment da construcziun, quai explitgescha l’istoricher d'art ed anteriur professer per la tgira da monuments Nott Caviezel en Vita e cretta.

Vita e cretta 08:00

Artitgels legids il pli savens

Scrollar a sanestra Scrollar a dretga