Vita e cretta - 100 projects da construcziun d’edifizis sacrals en 50 onns
Ina veritabla unda da construcziun hai dà en il Grischun a partir da la mesadad dal 15avel tschientaner. Da lez temp èn vegnidas bajegiadas e renovadas numerusas baselgias e chapluttas en il stil da l’architectura gotica tardiva.
Ina da quellas è la baselgia Sontg Flurin a Ramosch. La construcziun nova da la baselgia è vegnida consecrada l’onn 1522, pia avant 500 onns. La raspada da Ramosch festivescha il giubileum da sia baselgia ils 17 da zercladur.
audio
Ina giubilara da 500 onns – la baselgia Sontg Flurin a Ramosch
10:46 min, aus Vita e cretta vom 12.06.2022.
abspielen. Laufzeit 10 minutas 46 Sekunden.
Ina sairada tematica festiva
Perquai datti quel di ina sairada festiva cun musica, discurs e surtut cun ina massa tschegns istorics.
Ils bancs cun las spundas autas per ils umens en la baselgia Sontg Flurin valevan da quellas uras sco insatge zunt particular e custaivel.
Reverenda Christoph Reutlinger è be fieu e flomma cura ch’el raquinta da «sia» baselgia Sontg Flurin. Quella è numnadamain ina funtauna istorica pli che ritga:
Ina guida tar entgins tschegns istorics
1 / 8
Legenda:
In’attracziun turistica a ses temp
Christoph Reutlinger mussa ils bancs-fauteuils per ils umens da Ramosch.
RTR/Isabelle Jaeger
2 / 8
Legenda:
Decoraziuns custaivlas
Cun lur «broccas», lur bancs da baselgia privats, suttastritgavan las famiglias bainstantas da Ramosch lur impurtanza.
RTR/Isabelle Jaeger
3 / 8
Legenda:
La «brocca» da Jon Battista Planta
Il mercenari grischun, oriund da Ramosch, ha sponsurà ils bancs spezials dals umens.
RTR/Isabelle Jaeger
4 / 8
Legenda:
La «brocca» dal ravarenda Jon Martin
Ses banc baselgia mussa cun l’inscripziun ebraica, ch’el era in um da considerablas capacitads spiertalas.
RTR/Isabelle Jaeger
5 / 8
Legenda:
Ina maisa da Dieu dal 1647
La Baselgia Sontg Flurin è in lieu cregn da tschegns istorics.
RTR/Isabelle Jaeger
6 / 8
Legenda:
Sisum al palantschieu vaglia Sontg Flurin
Dal temp medieval era Ramosch in lieu da pelegrinadi impurtant sur las regiuns grischunas or.
RTR/Isabelle Jaeger
7 / 8
Legenda:
Dimensiuns remartgablas
La baselgia da Ramosch, er sch’ella è vegnida construida sco baselgia catolica è oz la segund gronda baselgia refurmada dal Grischun.
RTR/Isabelle Jaeger
8 / 8
Legenda:
In’orgla da 350 onns
Er las parts pli veglias vegnan accordadas puspè per far festa ils 17 da zercladur.
RTR/Isabelle Jaeger
Ses bancs mussan las structuras socialas dad ina giada, ses plafond è in paradis da flurs e sia orgla è vegnida restaurada per savair vegnir sunada la saira d’anniversari.
In veritabel «boom» da construcziun
Dal medem temp sco la baselgia Sontg Flurin derivan era varsaquants auters edifizis sacrals che stattan sin il territori dal Grischun d’ozendi.
Tranter ils onns 1470 e 1520 èn vegnidas fabritgadas ubain transfurmadas dapli che 100 baselgias en il stil gotic tardiv en il Grischun. Questa conjunctura auta ha gì pliras raschuns.
Ins discurra d’in veritabel «boom» da construcziun ubain da renovaziun d’edifizis sacrals en la perioda da la gotica tardiva.
audio
100 projects da construcziun d’edifizis sacrals en 50 onns
11:01 min, aus Vita e cretta vom 19.06.2022.
abspielen. Laufzeit 11 minutas 1 Sekunde.
Ord tge motivs ch’ins ha construì tant, tge baselgias marcantas ch’èn vegnidas erigidas en quest temp en il Grischun e sco ch’ins ha finanzià quest moviment da construcziun, quai explitgescha l’istoricher d'art ed anteriur professer per la tgira da monuments Nott Caviezel en Vita e cretta.
Ils tripticons gotics dal Grischun Central
1 / 3
Legenda:
Il tripticon gotic da la baselgia Son Calixtus a Brinzauls. El deriva dals onns 1517-1519.
Vischnanca Albula/Alvra
2 / 3
Legenda:
Il tripticon gotic, integrà en l'altar baroc da la baselgia Son Plasch a Tinizong.
RTR, Rafael Müller
3 / 3
Legenda:
Il tripticon gotic tardiv (cun las alas serradas) da la baselgia Son Gagl a Beiva.
Wikipedia, Andreas Faessler
