Decennis a la lunga valeva la diocesa da Cuira sco ina da las diocesas las pli conservativas, sche betg la pli conservativa en Svizra. Quai è sa midà. Dapi che Joseph Maria Bonnemain è en uffizi vegn fatg giu la pulvra.
Perquai na fai er betg surstar che la diocesa da Cuira tutga tar quellas trais diocesas svizras che fullan la via per il process sinodal. Quai è quel process da refurma che papa Franziscus ha mess en moviment per sia baselgia catolic-romana. In'etappa impurtanta en il process da refurma svizzer è stada la fin d'october ad Einsiedeln/Nossadunnaun.
En la Vita e cretta raquintan la teologa Flurina Cavegn-Tomaschett e l'uvestg Joseph Maria Bonnemain da lur impressiuns ed ideas da quest inscunter.
