Siglir tar il cuntegn

Header

Bernhard cun in cudesch en maun.
Legenda: Festa per ils 500 onns refurmaziun è er festa per l'istoricher – Jan-Andrea Bernhard cun ina nova publicaziun scientifica tar la refurmaziun. RTR
cuntegn

500 onns refurmaziun Festa a l'engronda – in sguard enavos sin trais onns giubileum

I saja adina puspè da metter en dumonda las structuras – quai è in dals facits dal plevon, teolog ed istoricher Jan-Andrea Bernhard.

3 onns commemoraziuns, festivitads, congress e publicaziuns en tut l'Europa – las festivitads per il 500avel giubileum da la refurmaziun han propi gì dimensiuns grondas.

Na da sa smirvegliar, di il plevon, istoricher e teolog Jan Andrea Bernhard da Glion, che ha manà l'organisaziun da las festivitads . La refurmaziun saja stada dapli ch'ina revoluziun religiusa. Ella saja stada, ensemen cun la renaschientscha e l'umanissem, ina revoluziun sociala ed intellectuala.

audio
Festa gronda: sguard enavos sin il giubileum 500 onns refurmaziun
01:00:01 min, Vita e cretta dals 13.12.2020.
laschar ir. Durada: 01:00:01 minutas.

Fastizs istorics da la refurmaziun a Glion

Ensemen cun citads illustras sco Turitg, Genevra u Wittenberg figurescha er Glion sin la glista da 102 citads da la refurmaziun en 17 pajais europeics. Glion è vegnì enconuschent pervi dal refurmatur Johannes Comander e ses Artitgels da Glion.

La ierta da Comander vegn vivida anc oz – uschia aveva el fundà il 1537 la sinoda grischuna, che unescha anc oz ina giada ad onn tut las plevonessas ed ils plevons dal chantun.

In artg da cumedia e cudesch fin a la scienzia

Tar las festivitads tutgava sper festas popularas, cudeschs d'uffants ed ina cumedia criminala istorica er la perscrutaziun scientifica. Il sguard intensivà e vegnì fatg tanter scienziads da pliras disciplinas, ma er da differents pajais.

Uschia saja sa mussà, che la refurmaziun n'haja betg exnum purtà la democrazia en Grischun – ma ch'il stadi da las Trais Lias purscheva in fund fritgaivel per ils intents dals refurmaturs.

Cun ina publicaziun scientifica èn idas a fin las festivitads per 500 onns refurmaziun en il Grischun.

Vita e cretta 08:03

Artitgels legids il pli savens

Scrollar a sanestra Scrollar a dretga