Nov reglament da contribuziuns chaschuna chaus cotschens

Dapi il 1. da schaner 2015 è en vigur il nov urden dal Corpus Catholicum che reglescha las contribuziuns finanzialas a las plaivs catolicas en il Grischun. In nov urden che frunta anc adina sin critica, era suenter la fasa transitorica da trais onns.

Cun il nov urden ha la Baselgia chantunala catolica vulì midar il sistem da contribuziuns. Enstagl ch'il Corpus Catholicum surpiglia ils deficits, survegnan las plaivs ina contribuziun fixa. Ed ellas ston guardar sezzas da pudair finanziar lur manaschi cun questa contribuziun.

Quai ha sfurzà pliras plaivs da fusiunar. Suenter la fusiun èn las contribuziuns pli bassas, ils custs fixs èn dentant tuttina auts sco avant la fusiun. Quai vegn crititgà. I na vegnia betg resguardà las grevezzas, vul dir ils custs fixs per l'infrastructura (mantegniment da bajetgs sacrals) ed il manaschi da la plaiv.

Redacziun: Hugo Schär