-
Bild 1 von 5. Invista en la lavur da radio – tge capita davos las culissas d'ina emissiun live? Bildquelle: RTR.
-
Bild 2 von 5. Las moderaturas decleran co che la lavur da radio funcziunescha. Bildquelle: RTR.
-
Bild 3 von 5. In'invista en il studio da televisiun. Bildquelle: RTR.
-
Bild 4 von 5. Trics da televisiun cun l'uschenumnà greenscreen. Bildquelle: RTR.
-
Bild 5 von 5. Era ils pitschens dastgan experimentar cun il microfon. Bildquelle: RTR.
Di per di rapporta RTR sin differents chanals da quai che capita en la regiun, en il chantun e sur ils cunfins dal Grischun. Redacturas e redacturs fan retschertgas e produceschan contribuziuns ed emissiuns da televisiun, radio ed infurmeschan sin ils divers chanals online. La lavur en la chasa da medias è vasta e mintga di spetgan novs temas e novas sfidas. Avais Vus gust da dar in sguard davos las culissas da RTR? Emprender d'enconuscher il mintgadi e la lavur da redacturas e redacturs? Guardar co ch'emissiuns da radio e televisiun vegnan producidas e co ch'ils cuntegns vegnan sin la pagina d’internet?
Excursiun da scola u da fatschenta
Gugent faschain nus in bainvegni a Vossa gruppa, Vossa classa da scola ubain a Voss team da fatschenta e purschain ina visita u guida en chasa RTR a Cuira. Cun inditgar interess specifics preparain nus in program sin mesira.
- las visitan èn gratuitas
- annunziar a temp (almain duas emnas avant il termin giavischà)
Nus ans legrain da Vossa visita tar nus a Cuira.