L'interpresa Radiotelevisiun Svizra Rumantscha (RTR) è partenaria da medias tar differentas occurrenzas en Svizra rumantscha.
Per ils organisaturs è RTR ina partenaria fidada, cumpetenta ed attractiva. Partenadis da medias èn per RTR ina buna chaschun per la tgira dal contact cun il public, per chattar novas collavuraziuns ubain era per tgirar activ contacts existents.
Tge dovri per in partenari da medias?
In partenadi da medias cun RTR sa basa sin prestaziuns da la chasa da medias e cuntraprestaziuns da la partenaria u dal partenari.
- Producziun da signets/trailers
- Lottaria da bigliets
- Preschientscha da RTR avant lieu
- Plazzar logo da RTR sin tuts ils stampats, chanals digitals ed auters meds da communicaziun.
- Exclusivitad sco partenari da medias (excepziun SRG SSR).
- Bigliets per la lottaria en il Radio RTR.
- Pussaivel: lieu per char da transmissiun, plazza per in stan
Per eruir las prestaziuns e cuntraprestaziuns supplitgain nus Vus d'emplenir il formular da dumonda per in partenari da medias.
Dumonda per in partenadi da medias
Grazia fitg per emplenir il formular!
Suenter avair retschet las indicaziuns giavischadas vegn Vossa dumonda elavurada e Vus retschavais ina resposta.
Per ulteriuras infurmaziuns u dumondas stain nus gugent a Vossa disposiziun: 058 136 30 00 u communicaziun@rtr.ch.
Nus ans legrain da Voss'annunzia