Siglir tar il cuntegn

Header

audio
L'acziun «2x Nadal» – uschia funcziuni quest onn
Or da Actualitad dals 24.12.2020.
laschar ir. Durada: 05:13 minutas.
cuntegn

«2 x Nadal» In pachet plain ventira – uschia pudais Vus gidar

Er quest onn rimna l'acziun «2 x Nadal» per far a quels in plaschair che han pauc. L'acziun da la Crusch Cotschna, La Posta Svizra, il Coop e la SRG ha lieu dals 24 da december 2020 fin ils 11 da schaner 2021.

En Svizra vivan radund 660'000 persunas en povradad. Cun l'acziun «2 x Nadal» vegn rimnà per quellas persunas. Ils pachets tranter auter cun mangiativas, products d'igiena u dal diever quotidian. vegnan zavrads tar la Crusch Cotschna Svizra da voluntaris e voluntarias e lura repartids en Svizra. Plinavant pon ins era far donaziuns. Cun quellas vegnan cumprads pachets per persunas en povradad en l'Armenia, la Bosnia-Erzegovina, la Moldavia ed il Kirghistan.

Co poss jau gidar?

Nus rimnain rauba ch’ins dovra mintga di: Mettai mo mangiativas durablas u artitgels d’igiena e tualetta en Voss pachet. Fitg tschertgads èn products sco: té, café, ris, schuppas, ieli ed artitgels da tualetta sco pasta da dents, barschuns da dents, bastunets da vatta e palpiri da tualetta. Sche Vus na vulais betg metter ensemen sez in pachet pudais Vus era cumprar in gia pachetà en las grondas filialas dal Coop u trametter in pachet online, il link avra en ina nova fanestra en furma d'ina donaziun.

Nua e co pos jau trametter mes pachet?

Voss pachet pudais Vus purtar betg francà sin la posta. La spediziun è gratuita. Vus pudais dentant era trametter Voss pachet davent da chasa. Cun Pick@home vegn la Posta tar Vus a chasa per il pachet. Il formular chattais vus qua, il link avra en ina nova fanestra.

RTR actualitad 08:00

Artitgels legids il pli savens

Scrollar a sanestra Scrollar a dretga