Siglir tar il cuntegn

Header

cuntegn

Autostrada A13 Er Zezras vul serrar sia sortida

En il Grischun vegnan las vuschs che pretendan mesiras cunter il traffic da sviaziun turistic adina pli dad aut. Suenter che Schiers ha gì serrà illegalmain sia via da transit la fin d'emna passada vul uss er Zezras serrar sia sortida tar l'autostrada A13.

Auter che Schiers na vul la vischnanca da Zezras dentant betg simplamain agir en atgna reschia. La vischnanca ha tschentà ina dumonda per pudair serrar temporarmain la sortida da l'autostrada. E quai mintga dumengia fin la fin da matg tranter mezdi da las 12 e las sairas da las otg. Sco la «Südostschweiz» rapporta, vegni la dumonda successivamain elavurada da la polizia chantunala.

Cun il traffic da sviament turistic sa fatschenta dentant era ina moziun or dal Cussegl grond. Cun quella vul il deputà dals tschintg vitgs Thomas Bigliel appellar a la regenza da sustegnair las vischnancas pertutgadas per lung da l'A13. Quai savend che las vias naziunalas èn chaussa da la Confederaziun.

audio
Per tadlar curt e cumpact
ord RTR Audio dals 01.02.2022.
laschar ir. Durada: 1 minuta.

RTR novitads 06:00

Artitgels legids il pli savens