Quella equipa mobila duai er pigliar il vaccin da vectur cunter Covid-19, il Vaccine Janssen cun ella. Quest vaccin vegn da Johnson & Johnson ed è vegnì sviluppà en Gronda Britannia.
Equipa mobila remplazza bus da vaccinar
A partir da mardi, ils 19 d'october 2021 cumenza l'equipa mobila la terza runda cun 21 staziuns tras il Grischun. Dasper ils vaccins da Moderna e Pfizer/Biontech, datti uss er la pussaivladad da sa laschar vaccinar cun il vaccin da vectur Vaccine Janssen.
- Persunas ch'han survegnì l'emprim vaccin cun Pfizer/Biontech, survegnan la segunda dosa en ils centers da Cuira e Landquart.
- Persunas ch'han survegnì l'emprima dosa da Moderna, survegnan la segunda dosa en ils centers regiunals, tar medias u medis da chasa u en in'apoteca.
Il vaccin Janssen ston ins squittar be ina giada ed el è adattà per persunas a partir da 18 onns e per persunas che na pon per raschuns medicinalas betg sa laschar vaccinar cun in vaccin da mRNA. Er persunas che na fidan betg ils vaccins da mRNA pon sa laschar vaccinar cun quel da Janssen. Betg adattada è la vaccinaziun per dunnas en speranza sco er tar persunas cun in sistem d'immunitad supprimì. Tar lezzas persunas chaschunan ils vaccins da mRNA ina meglra resposta d'immunitad.
Ina survista da las pussaivladads cun walk-in, l'annunzia electronica per in termin sco er infurmaziuns ulteriuras èn da chattar qua:
Ulteriuras infuramziuns
Cun s'annunziar, pon ins inditgar sch'in preferescha il vaccin da Janssen.