Il bus da vaccinar grischun ha fatg sia emprima runda tras las regiuns dal chantun. En tut han 3'900 persunas laschà vaccinar en il bus, communitgescha l'uffizi da sanadad. Quest’emna parta il bus per la segunda runda cun 38 stops en l'entir chantun.
En il bus datti puspè cussegliaziuns – tant per l’emprima sco er per la segunda squitta. Entant han 63,5% da la populaziun grischuna survegnì almain ina dosa dal vaccin. Radund 53% en vaccinads cumplainamain.
Ord l'archiv
Dapi ils 23 d'avust va il bus da vaccinar tras il chantun Grischun.