Il Grischun desista d'introducir in obligatori da testar, per persunal da tgira che n'è betg vaccinà, cuntrari al chantun Genevra ch'a decidì quai l'emna passada. Sco il manader da l'Uffizi da sanadad dal Grischun, Rudolf Leuthold ha ditg envers il Schurnal regiunal da radio SRF, era perquai ch'i pudess dar resistenza:
Vinavant a disposiziun stattan ils tests voluntaris da fatschenta. Er na saja betg cler, sch'in obligatori da testar fiss giuridicamain pussaivel – cunquai ch'il chantun sez na gestiunescha nagins ospitals, e na saja uschia er betg patrun.