Cun var 700 novs cas mintga di, la mesemna ha il Grischun schizunt annunzià sur 1113, èn las cifras da corona uschè autas sco anc mai en il Grischun. Malgrà las cifras da record na saja il «contact tracing» betg al limit. Dapi il november hajan ins automatisà bler e na stoppia betg pli telefonar a mintgin e mintgina.
Sco la media chantunala Marina Jamnicki ha ditg al schurnal regiunal dad SRF, stoppian ins mo pli telefonar a quels che n'han betg in telefonin u e-mail ed a quels che na sajan betg sa registrads. Tenor la media chantunala ha la gronda part dals chantuns introducì il contact tracing automatisà.
Ord l'archiv
La nova e fitg contagiusa varianta dal coronavirus, omicron, na fa betg mo quitads als responsabels en ils ospitals. Era il contact tracing en il Grischun sa prepara per l'unda: