Siglir tar il cuntegn

Header

tren
Legenda: RTR Grafica
cuntegn

Cun RTR sin viadi Tren: Interrail festivescha il giubileum da 50 onns

Uschia hai cumenzà

L'isorgia dals trens en Svizra cumenza il 1844 cun l'avertura da la lingia tranter Basilea e St.Louis en Frantscha. L'emprim traject ch'era be sin terren svizzer era quel tranter Turitg e Baden ch'è vegnì inaugurà il 1847. Las Viafiers federalas svizras sco che nus las enconuschain èn vegnidas fundadas il 1902. L'emprim cun las quatter pli grondas viafiers privatas. Quellas colliavan regiuns da Basilea enfin a Turitg e dal Lai da Constanza via Son Gagl vinavant en Glaruna enfin a Cuira.

audio
Fatgs istorics da la viafier en Svizra
ord Actualitad dals 15.07.2022.
laschar ir. Durada: 3 minutas 55 Secundas.

La Viafier retica ha sia ura da naschientscha il 1889 cun la lingia tranter Landquart e Claustra. Il num Viafier retica ins ha lura duvrà a partir dal 1995, curt avant l'avertura dal traject da tren da Landquart a Tusaun. Il 1922 è stà in impurtant onn per la Retica. A partir da là era tut la rait da tren electrifitgada. Dapi il 2008 è ina part da la Viafier retica – il traject Alvra e Bernina – part dal Patrimoni mundial da l'UNESCO.

La colliaziun internaziunala

Dapi 50 onns datti la purschida da Interrail. Il bigliet da tren per viagiar en 33 pajais da l'Europa. Al cumenzament era la gruppa en mira giuvenils che vulevan ir en viadi senza ils geniturs e vesair bler da l'Europa. Ozendi è Interrail insatge per tuts. Giuvens e vegls sco er famiglias, simplamain tut quels che han temp per viagiar. Il matg 2022 è stà il meglier mais en l'istorgia da Interrail.

audio
Trens: Interrail festivescha giubileum da 50 onns
ord Actualitad dals 11.07.2022.
laschar ir. Durada: 2 minutas 52 Secundas.

In problem ch'Interrail ha actualmain è ch'ins ha memia paucas plazzas en ils trens. Perquai cusseglia la SBB da reservar baud avunda ina plazza e da viagiar il meglier durant l'emna e betg la fin d'emna. Nua ch'igl è stà pussaivel, ins ha gia adattà las capacitads. Grondas midadas na sajan però betg pussaivlas. Per l'ina na possian ils trens betg esser pli lungs che las staziuns e per l'auter na possian ins betg organisar entaifer curt temp nov material rudlant.

RTR actualitad / accumpagnament / sil punct

Artitgels legids il pli savens

Scrollar a sanestra Scrollar a dretga