Il Grischun vul render attent a la violenza a chasa. Cun il slogan «AVRA ILS EGLS! – Cuminaivlamain cunter violenza a chasa» realisescha il chantun a partir dals 25 da november fin ils 10 da december in program per sensibilisar la publicitad.La violenza a chasa haja bleras fassettas e n'haja nagins cunfins. Cumpigliadas èn violenza corporala, sexuala, psichica u economica che capitan en famiglia. E tenor il chantun èn las consequenzas per persunas pertutgadas e per la societad gravantas. Ils dis d'acziun sa concentreschan quest onn sin il tema «violenza sexuala».
Focus quest onn: Identifitgar indizis per violenza a chasa
Violenza a chasa capita savens en il zuppà, en las «atgnas quatter paraids». In lieu che duess atgnamain dar segirezza e privadientscha. Cun la campagna duai la populaziun vegnir sensibilisada per ils indizis ch'ins po registrar e dad intermediar agid. Per cumbatter la violenza a chasa dovria quai la collavuraziun da l'entira populaziun.
En dil Grischun collavuran ils posts responsabels era per questa acziun coordinada dal Post da coordinaziun chantunal «Violenza a chasa».
