Per l'ultima giada quest'onn èn Svizras e Svizzers clamads a l'urna. Entant ch'il Grischun n'ha nagina votaziun chantunala, vegn decis sin livel naziunal gist davart trais fatschentas.
RTR tegna sin il current davart decisiuns communalas e las trais votaziuns federalas:
- Sin www.rtr.ch chattais tut ils resultats, graficas ed analisas
- Decisiuns impurtantas porscha era social media cun #votaziuns
- Las novitads al radio rapportan mintg'ura dal pli actual
- Reacziuns ed analisas pudais tadlar en emissiuns spezialas al radio las 12:00 - 12:30 e las 16:00 - 18:00
- Il Telesguard resumescha las decisiuns a las 17:40 sin SRF 1
Survista communala
RTR porscha ina schelta da las decisiuns en las vischnancas. E quellas èn multifaras: Eleger presidents, approvar leschas, reveder planisaziuns localas etc.
Trais decisiuns sin livel federal
Per l'ina decidan Svizras e Svizzers davart l'iniziativa da tgira. Sche quella vegn approvada èsi in di istoric – sche na, lura va la cuntraproposta en vigur.
Per l'autra vai per l'iniziativa da giustia, che para d'avair pli paucas schanzas a l'urna - almain tenor retschertgas. L'ultim pled en capitel han votantas e votants.
La terza votaziun polarisescha probabel il pli fitg: Gea u Na a la lescha da Covid-19?
Sin in clic tut las fatschentas federalas e communalas: rtr.ch/votaziuns