Siglir tar il cuntegn

Header

cuntegn

Dischoccupaziun schaner Prest 700 dischoccupads pli pauc che l'onn avant

Il schaner 2022 ha il chantun Grischun nudà 1'523 persunas senza lavur. Quai correspunda ad ina quota da dischoccupaziun dad 1,4%. Cumpareglià cun il mais avant cun 1'489 dischoccupads è il dumber da dischoccupaziun s'augmentà minim. Cumpareglià cun il schaner dal 2021 è la quota da dischoccupaziun dentant in bun tant pli bassa. Avant in onn era la quota tar 2% e 2'235 persunas.

Guardà sur l'entira Svizra è il dumber da dischoccupaziun creschì da 121'728 sin 122'268. La quota svizra giascha uschia tar 2,6%.

Dapli lavur curta

Durant il mais dal schaner 2022 han 243 manaschis annunzià lavur curta. Cumpareglià cun il mais avant cun 223 manaschis èn quai in zic dapli. Questa cifra na lubescha dentant naginas conclusiuns exactas davart il dumber effectiv d'interpresas che dovran lavur curta. Quels han numnadamain mintgamai trais mais peda d'annunziar quanta lavur curta ch'i han effectivamain gì.

RTR novitads 09:00

Artitgels legids il pli savens

Scrollar a sanestra Scrollar a dretga