Siglir tar il cuntegn

Header

audio
Lufs Beverin: Sajettà 2 dals 3 giuvens
Or da Actualitad dals 09.09.2021.
laschar ir. Durada: 06:33 minutas.
cuntegn

Discussiun davart ils lufs A la tschertga dals recepts per ina coexistenza

Il schurnal regiunal da SRF ha envidà Sara Wehrli da la Pro Natura ed il directur dal Plantahof Peter Küchler ad ina discussiun davart sajettar lufs, proteger animals e la coexistenza tranter lufs e carstgauns.

En la regiun dal Beverin datti dapi l'onn 2019 in triep – il mument quinta il chantun che quel consistia d'in pèr, trais lufs singuls e set giuvens ch'èn naschids quest onn. Dus dals giuvens ha il chantun entant sajettà.

La Pro Natura prenda per enconuschientscha quai, vul dentant anc analisar la lubientscha e pir lura decider definitiv davart in recurs. Quai di Sara Wehrli en ina discussiun dal schurnal regiunal da SRF ensemen cun il directur dal Plantahof Peter Küchler.

Lez pretenda che las organisaziuns d'ambient porschian maun per regular il dumber da lufs en il Grischun – saja giuvens u vegls. Sin las alps hajan ils lufs stgarpà questa stad passa 200 animals da niz e l'agricultura saja als cunfins. Tut las mesiras da protecziun muntian numnadamain lavur supplementara per purs e persunal d'alp.

Tge far meglier?

Da principi vulan omadus pussibilitar ina coexistenza dal luf e dals carstgauns. Entant che la Pro Natura vul optimar las mesiras da protecziun vul l'agricultura pudair sajettar pli spert lufs problematics. Sara Wehrli e Peter Küchler accentueschan dentant era ch'i saja impurtant da far las discussiuns e chattar cumpromiss – malgrà tuttas emoziuns che la preschientscha dal luf sveglia.

RTR actualitad 11:45

Artitgels legids il pli savens

Scrollar a sanestra Scrollar a dretga