Siglir tar il cuntegn

Header

audio
La scolaziun da mainagestiun agricultura è pli e pli tschertgada tar dunnas.
Or da Actualitad dals 10.11.2021.
laschar ir. Durada: 3 minutas 17 Secundas.
cuntegn

Dunnas en l'agricultura Adina dapli dunnas mainan manaschis agriculs

Adina dapli dunnas sa decidan per ina scolaziun en il sectur da l'agricultura. I dat adina dapli dunnas che fan la scolaziun da pura ed era quella sco mainagestiun. Il maletg da las dunnas en l'aglricultura è sa midà.

Pli baud era la scolazun la pli deresada che las dunnas faschevan en il sectur da l'agricultura la pura. Dentant è il dumber da dunnas che fan l'emprendissadi sco pura creschì ils davos onns. En cumparegliaziun cun avant diesch onns haja l'onn 2020 dà duas giadas aschi bleras dunnas che han fatg l'emprendissadi sco pura.

Scolaziun da dunnas en l'agricultura

Avrir la box Serrar la box

Pura / pur AFQ (Landwirt/in EFZ)

  • Sco emprendissadi da 3 onns
  • Sco segunda scolaziun da 2 onns
  • Focus sin producziun «funs e stalla»

Pura / pur diplomà (Bäuerin mit eidg. Fachausweis)

Sco segunda scolaziun suenter emprendissadi u scola media

  • Cumplementar a la lavur (2 onns / 1 di da scola l'emna)
  • Focus sin tegnair chasa, elavuraziun da vivandas e magasinaziun

Mainagestiun agricultur/a CQ (Betriebsleiter/in FA)

  • Scolaziun supplementara suenter emprendissadi da pur / pura
  • Cumplementar a la professiun (2 onns / differents moduls)
I dovra anc in pau temp fin che dunnas sco mainagestiun s'enclegian da sasez.
Autur: Fabiola Merk Scolasta al Plantahof

Las rollas classicas da l'um che maina il manaschi e la dunna, la pura che lavura davosvart, hajan midà, declara Fabiola Merk, scolasta al Plantahof. La tecnisaziunun fetschia pli simpel a las dunnas. Las differenzas corporalas na sajan betg pli uschè impurtantas. Tuttina dettia quai anc bain inqual sfida per dunnas en l'agricultura: La renconuschientscha da la societad e che las puras na sa laschian betg supprimer. Sco dunna sajan ins anc in pau pli exponida sco pura u manadra da gestiun. L'avis che mo l'um possia esser il pur u mainagestiun na saja betg pli actual.

audio
Co statti en general cun las puras en il Grischun?
ord Actualitad dals 10.11.2021.
laschar ir. Durada: 4 minutas 30 Secundas.

RTR actualitad 06:00

Artitgels legids il pli savens