Siglir tar il cuntegn

Header

video
Jon Domenic Parolini, Carmelia Maissen e Marcus Caduff.
Or da Telesguard dals 25.10.2021.
abspielen. Laufzeit 2 minutas 50 Sekunden.
cuntegn

Elecziuns 2022 Carmelia Maissen candidescha per la regenza

L'Allianza dal Center vul defender ses terz sez en la regenza grischuna cun ina dunna. La partida ha perquai preschentà sco emprima ina dunna per las elecziuns da l'onn proxim.

Ensemen cun ils dus cussegliers guvernativs vertents, Marcus Caduff e Jon Domenic Parolini, è Carmelia Maissen proponida da la suprastanza da sia partida, l'Allianza dal Center. Mario Cavigelli sto banunar ses post pervi da la limita dal temp d'uffizi. Perquai che las autras partidas hajan manchentà la schanza da proponer dunnas per in post en la regenza grischuna, saja la partida sa decidida da proponer a lur delegadas e delegads Carmelia Maissen.

In'elecziun per la regenza grischuna senza ina candidatura d'ina dunna è impussibel per nus.
Autur: Kevin Brunold Co-president da l'Allianza dal Center
audio
Intervista cun Carmelia Maissen
aus Actualitad vom 25.10.2021.
abspielen. Laufzeit 4 minutas 40 Sekunden.

Presidenta communala e deputada

Carmelia Maissen haja ina gronda exprientscha politica: Dasper ses post sco presidenta communala da Glion è ella er dapi il 2018 deputada en il Cussegl grond. Sco presidenta haja ella gì la sfida da metter en urden las finanzas da la vischnanca da Glion suenter la fusiun ed er da realisar la revisiun da la planisaziun locala. Cun la sursilvana da 44 onns vul la partida dar in cler signal en chaussa represchentaziun da las dunnas en la regenza.

Jau n'hai nagin problem d'esser la quota da dunnas aifer la runda dad umens che candideschan enfin uss. Jau hai dentant era il dretg sacados politic e professiunal per quest'incarica.
Autur: Carmelia Maissen Candidata per la regenza

Carmelia Maissen

Avrir la box Serrar la box

Carriera:

  • dapi 2018 presidenta da Ilanz/Glion en uffizi cumplain
  • avant: manadra da project en ina interpresa per svilup regiunal
  • avant: sviluppadra regiunala da la regiun Viamala
  • dapi 2018 deputada en il Cussegl grond (circul Glion)
  • 2013-2017 commembra e presidenta parlament Ilanz/Glion
  • 2008-2015 commembra parlament regiunal Surselva (2013 presidenta)
  • dapi 2012 commembra suprastanza PCD Surselva

Scolaziuns:

  • Doctorat d'istorgia d'art ed architectura a l'Universitad da Turitg
  • Studi d'architectura a l'ETH a Turitg
  • Matura d'economia a la Scola claustrala da Mustér

Forzas cumprovadas per sfidas vegnentas

Ch'ils dus cussegliers guvernativs actuals Marcus Caduff e Jon Domenic Parolini stattan vinavant a disposziun, era gia enconuschent. Els hajan cumprovà en la legislatura vertenta ch'els hajan las dretgas cumpetenzas per manar, argumentescha l'Allianza dal Center. Er en il temp grev da la pandemia hajan els mussà curascha e sajan s'engaschads per il svilup dal chantun.

Il minister d'economia Marcus Caduff accentuescha ch'i na saja nagin problem d'avair dus candidats da la Surselva – quai na gioghia betg pli uschè ina gronda rolla. Il minister d'educaziun Jon Domenic Parolini sa posiziunescha perencunter gia sco unic represchentant da l'Engiadina.

Strategia da trais – strategia da risico?

La giunta da l'Allianza dal Center ha stuì discutar pliras dumondas avant che fixar la strategia. Ina da quellas: Ir cun duas ubain trais persunas en il cumbat? Cun dus veders ed ina dunna, saja la partida sa decidida da porscher ina schelta al suveran ch'elegia la regenza grischuna. Quai ha la co-presidenta Aita Zanetti accentuà envers RTR.

audio
Zanetti davart la strategia, Caduff e Parolini davart la concurrenza
aus Actualitad vom 25.10.2021.
abspielen. Laufzeit 3 minutas 7 Sekunden.

La radunanza per nominar definitivamain ils candidats e las candidatas per las elecziuns, ha lieu il cumenzament da december. Las elecziuns èn ils 15 da matg 2022. Enfin uss èn enconuschent ils suandants nums per la regenza:

6 candidatas e candidats per 5 posts

Avrir la box Serrar la box

RTR novitads 14:00

Artitgels legids il pli savens

Scrollar a sanestra Scrollar a dretga