Siglir tar il cuntegn

Header

cuntegn

Elecziuns 2022 Cuira e Maiavilla obtegnan in sez dapli

Ils dus circuls da Cuira e Maiavilla survegnan omadus 1 sez dapli en il Cussegl grond. La curta tiran ils Tschintg Vitgs ed il Mesauc che ston sa cuntentar cun mintgamai 1 sez pli pauc.

Il matg 2022 elegia il suveran grischun il Cussegl grond. La repartiziun dals 120 sezs sin ils circuls succeda tenor il dumber da la populaziun svizra en mintga circul. La Chanzlia chantunala ha publitgà oz la repartiziun per la proxima perioda d’uffizi. Sulet en quatter circuls datti midadas.

A Cuira ed a Maiavilla è la populaziun creschida ed ils circuls survegnan in sez dapli. En tut survegn:

  • Cuira 21 sezs
  • Maiavilla 5 sezs

La curta tiran ils circuls Tschintg Vitgs e Mesauc che perdan in sez. En tut survegn:

  • Tschintg Vitgs 11 sezs
  • Mesauc 1 sez

Il Mesauc perda ses segund sez malgrà che la populaziun è restada tuttina gronda. Avant quatter onns aveva il circul profità d’in mandat restant. Questa giada n’haja quai betg pli tanschì per in tal mandat, uschia la Chanzlia chantunala.

En ils auters circuls resta la repartiziun la medema sco en la legislatura actuala.

audio
Per tadlar curt e cumpact
01:29 min, RTR Audio dals 04.10.2021.
laschar ir. Durada: 01:29 minutas.

RTR novitads 12:00

Artitgels legids il pli savens

Scrollar a sanestra Scrollar a dretga