Siglir tar il cuntegn

Header

Legenda: Investiziuns en la producziun fa l'Ems-Chemie sin l'areal a Domat ed er a Gross-Umstadt en Germania. Keystone
cuntegn

Ems-Chemie investescha La gruppa Ems extenda la producziun da poliamids

La gruppa Ems vul augmentar massivamain la producziun da spezialitads da poliamid en il decurs dals proxims dus onns. Uschia veglia il concern respunder al basegn creschì fermamain da lur clients, scriva l'interpresa grischuna. Augmentar las capacitads da poliamid vulan ins a Domat, ed a Gross-Umstadt en la Germania. Ils proxims tschintg onns vul la Ems-Chemie investir sulettamain a Domat passa 300 milliuns francs. Tranter auter vegn era construì in nov magasin cun regals auts, cun ses var 45 meters il pli aut en Svizra.

Tge èn poliamids?

Avrir la box Serrar la box

Poliamid è materia sintetica che vegn duvrada per producir fibras artifizialas sco p.ex. nilon, perlon u kevlar. Las fibras èn fitg resistentas, elasticas e sa laschan reciclar. Duvradas vegnan ellas cunzunt per far pachetadis, apparats, uders, elements da construcziun e bler auter.

Ord l'archiv

audio
Emprima badigliada: Ems-Chemie investescha 300 milliuns francs
02:56 min, Actualitad dals 31.03.2021.
laschar ir. Durada: 02:56 minutas.

RTR novitads 12:00

Artitgels legids il pli savens

Scrollar a sanestra Scrollar a dretga