Siglir tar il cuntegn
Inhalt

Exteriur 89'000'000'000'000 $ – ils pli ritgs èn vegnids anc pli ritgs

L’onn passà è il club dals milliardaris puspè daventà pli grond e pli ritg. Quai scriva l'agentura da novitads SDA sa basond sin in «Billionaires Report 2018» da l’UBS e da l’interpresa per la revisiun d’economia e cussegliaziun PricewaterhouseCoopers.

Dollars en la fabrica a Fort Worth pronts per vegnir tagliads en singulas notas da 100$.
Legenda: Dollars en la fabrica a Fort Worth pronts per vegnir tagliads en singulas notas da 100$. Keystone

En cifras:

  • Sin tut il mund datti 2'158 persunas che possedan ensemen 89'000'000'000'000 $ – quai èn 19% dapli ch'anc l'onn passà.
  • Ils pli bler raps èn concentrads cun 3’100’000’000’000 $ en ils Stadis Unids. Las branschas da success èn la tecnologia ed il commerzi da detagl.
  • Ils pli dinamics èn ils chinais: En la China haja dà en 1 onn 55 novs miliardaris – en tut datti 373 milliardaris chinais e quels possedan 1'120'000'000'000 $. L'onn 2006 avevi dà en la China be 16 milliardaris. Els sa cumponian da 97% da «selfmade»-milliardaris ch'hajan gì success surtut en las branschas da tecnologia e commerzi da detagl.
  • Ils 36 milliardaris svizzers possedan ensemen 124'000'000'000 $.
  • 701 dals milliardaris èn sur 70 onns. Lur facultad da 3'400'000'000'000 $ (40% vi da la facultad totala dals milliardaris) vegnia ad ir en ils proxims 20 onns a lur ertavels che vegnan ad imponer ella per projects filantropics, scrivan UBS e PwC en lur rapport.
  • Sin il mund datti 7,659 milliardas umans., il link avra en ina nova fanestra

RR novitads 09:00