Siglir tar il cuntegn

Header

cuntegn

Africa dal nord Frantscha terminescha ses engaschi militar en il Niger

La Frantscha terminescha sia preschientscha militara en il Niger e retira sias truppas. Fin la fin da l'onn duain tut ils 1'500 schuldads franzos vegnir retratgs or dal stadi african. Er l'ambassadur franzos turnia enavos en Frantscha las proximas uras. President Macron ha annunzià quai en in'intervista.

La raschun per las mesiras sajan las tensiuns che creschian dapi il putsch. La fin da fanadur aveva il militar surpiglià la pussanza en il pajais vest-african e mess giu il president Mohammed Bazoum. La Frantscha na renconuscha la nova regenza, e perquai pretenda quella gia dapi in mais ch'il ambassadur franzos banduna il pajais.

audio
Per tadlar: las novitads da las 06:00
ord RTR Audio dals 25.09.2023.
laschar ir. Durada: 4 minutas 30 Secundas.

La Frantscha è stada en il Niger per cumbatter terrorissem islamic. Il Niger è stada impurtanta per la Frantscha, perquai ch'ella ha gia stuì retrair ses militar or d'auters pajais en la regiun suenter putschs.

RTR novitads 06:00

Artitgels legids il pli savens

Scrollar a sanestra Scrollar a dretga