Siglir tar il cuntegn

Header

cuntegn

Alpha enstagl «varianta brita» Las variantas dal coronavirus survegnan nums neutrals

Las diversas variantas dal coronavirus duain survegnir auters nums. Quai ha l’Organisaziun per sanadad mundiala WHO decidì. Enstagl da numnar ellas sco fin qua tenor il pajais da lur scuverta, duajan ellas vegnir numnadas suenter bustabs grecs.

  • Mutaziun chattada en Gronda Bretagna ha ussa num «Alpha»
  • Mutaziun chattada en l'Africa dal Sid ha ussa num «Beta»
  • Mutaziun chattada en Brasilia ha ussa num «Gamma»
  • Mutaziun chattada en l'India ha ussa num «Delta»

Cun ils nums neutrals vul la WHO evitar che singulas mutaziuns dal virus vegnian messas en connex cun pajais u regiuns. Quai stigmatiseschia e discrimineschia persunas, che vivan en quels lieus. Il fatg, che l'anteriur president american Donald Trump discurriva dal virus chinais, cura ch'el discurriva dal coronavirus, haja manà tar violenza cunter persunas asiatas.

Uffizis, medias ed auters duain duvrar davent dad uss ils novs nums, per evitar discriminaziun e per simplifitgar la communicaziun.

Ils nums scientifics restian vinavant, uschia la WHO. Els furneschian infurmaziuns impurtantas als scienziads ed a las scienziadas.

Ord l'archiv

video
La mutaziun dal coronavirus – co va quai, e daco ch’il virus è tuttenina pli contagius
Or da Minisguard dals 23.01.2021.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga