Il constructur da trens franzos Alstom ha confermà d'avair discurs davart in'eventuala cumpra da la sparta da trens da ses rival en la crisa Bombardier. Ils discurs durian anc e fin qua na dettia nagina decisiun definitiva – ha communitgà il concern franzos. Concret vul Alstom cumprar l’entira sparta da trens da Bombardier. La valita da la sparta vegn stimada sin radund set milliardas euros.
Surpigliada rinforzass Alstom
En la concurrenza cun il gigant da trens chinais CRRC, pudess Alstom rinforzar sia posiziun suenter che las autoritads europeicas han scumandà l'onn passà al concern CRRC da surpigliar la sparta da trens da Siemens. Bombardier dovra ils daners e sto reducir daivets. L’onn passà ha il concern scrit cifras cotschnas. La sparta da tren dal concern canadais vala sco sparta cun la pli auta valita.
RTR novitads 10:00
