Siglir tar il cuntegn

Header

Mauns en guants en in labor.
Legenda: La WHO appellescha da collavurar anc pli fitg per chattar uschè spert sco pussaivel in vaccin cunter corona. Keystone
cuntegn

Appel da la WHO Dapli daners per sviluppar ensemen in vaccin

Il directur general da la WHO, Tedros Ghebreyesus ha fatg endament als schefs da stadi – a lur obligaziuns internaziunalas. Lavurar ensemen saja impurtant per tschertgar sco era per reparter in vaccin.

Ad ina conferenza da medias ha Tedros Ghebreyesus pretendì, ch’ils stadis lavurian ensemen tar la tschertga – e surtut er pli tard tar la repartiziun dad in vaccin cunter il coronavirus.

I na gidia nagut da vaccinar l’entira atgna populaziun, entant che persunas che dovrian fitg urgent il vaccin en auters pajais restian nunprotegidas. En quest connex ha il directur da l’Organisaziun mundiala da la sanadad WHO discurrì d’in «naziunalissem da vaccin».

Iniziativa Covax

Fin la fin da fanadur han intgins tozzels mussà interess per in agir cuminaivel en il rom da l’iniziativa Covax. Il program cumpiglia il mument 9 candidats per vaccins. La finala profitar d’in vaccin effectiv duain persunas che lavuran en il sectur da sanadad, persunas attempadas e glieud periclitada pervi da malsognas gia existentas.

Blers pajais investeschan dentant era en firmas che produceschan vaccins, e fixeschan ch’els vegnian silsuenter preferids tar la repartiziun. La Svizra ha ina tala cunvegna cun l’interpresa da biotecnologia americana Moderna.

RTR novitads 12:00

Artitgels legids il pli savens

Scrollar a sanestra Scrollar a dretga