L'Iran ha reducì la producziun d'uran fitg concentrà ils davos mais, rapporta l'Agentura internaziunala da l'energia nucleara, IAEA. Il medem mument blocheschia il pajais dentant pliras mesiras fixadas il mars per survegliar meglier ses program atomar, ha communitgà il schef da l'IAEA Rafael Grassi. «Nagin progress» dettia tar il scleriment davart activitads da l'Iran en il passà en connex cun la producziun da uran ch'è adattà ad armas atomaras.
Il 2015 è l'Iran stà perencletg da reducir fermamain sias activitads da producir uran. Dapi ch'il president american da quel temp Donald Trump ha visà la cunvegna, ha il pajais puspè cumenzà a producir uran.