Malgrà il votum da disfidanza en il parlament restan las ministras ed ils ministers per entant sin lur posts. Quai ha decis il president austriac, Alexander van der Bellen. La constituziun prevesia questa pussaivladad. Il chancelier Sebastian Kurz saja percunter l’excepziun, uschia van der Bellen. El stoppia sa retrair subit da ses uffizi.
Regenza transitorica fin a novas elecziuns
Suenter ulteriurs discurs vul il president van der Bellen lura nominar ina regenza transitorica che maina las fatschentas fin a las novas elecziuns dal settember che vegn.
Il parlament austriac aveva approvà il glindesdi il votum da disfidanza cunter il chancelier Kurz. Crap da stgarpitsch per Sebastian Kurz è stada l’uschenumnada affera dad Ibiza cun il video dispitaivel da l’anteriur vicechancelier Heinz Christian Strache.
RR novitads 23:00
