Dapi il mars na dastga l'aviun 737 Max dal constructur american Boeing betg pli sgular perquai che dus aviuns da quest tip èn crudads giu. Uss scriva la gasetta d'economia Wallstreet Journal che la direcziun da Boeing pondereschia d'interrumper la producziun dal tip ch'è vegnì vendì il pli bler.
Il stop valia aifer l'interpresa sco opziun la pli probabla. La gasetta sa basa sin infurmaziuns dad insiders. L'alternativa fiss da reducir anc pli ferm la producziun. Pir l'emna passada ha la surveglianza aviatica americana declerà ch'i na dettia il proxim temp nagina readmissiun da l'aviun 737 Max.
Ord l'archiv da SRF:
Gia l'october è vegnì enconuschent che Boeing saveva gia avant ils dus accidents, ch'han chaschunà 346 morts, dals problems cun l'aviun Max 737.
RTR novitads 06:00