Siglir tar il cuntegn

Header

Restanzas d'in aviun crudà giu.
Legenda: Spert aveva l'Iran concedì che l'aviun ucranais saja vegnì sajettà giu per sbagl. Keystone
cuntegn

Aviun sajettà giu Iran surdat a la Frantscha las blackboxs

Il venderdi han ils Iranais surdà las blackboxs als Franzos, quels vulan cumenzar il glindesdi cun las analisas. Il schaner passà aveva l’armada iranaisa sajettà giu per sbagl l’aviun ucranais.

Il militar iranais aveva sajettà giu l’aviun da l’Ucraina per sbagl - curt suenter che quel era partì da la chapitala Teheran. Tut las 176 persunas a bord eran mortas. Tranter las unfrendas eran Iranais, Canadais, Ucranais, Afgans, Brits, Svedais sco era Iranais cun dretg da dimora en Svezia.

Concedì il sbagl uman

Las autoritads iranaisas avevan communitgà l’emna passada, che l’incident saja resultà d’in disdir uman. Damai ch’in sistem da radar saja stà en ina posiziun fallada, haja dà in sbagl da communicaziun en la partiziun militara responsabla. Quai è ina constataziun en il rapport final davart la disgrazia.

Gia la fin da schaner aveva l’Iran concedì – da betg avair ils programs necessaris per analisar las datas da las blackboxs.

La Tagesschau dals 11 da schaner ha rapportà:

video
L'Iran conceda d'avair sajettà giu aviun da passagiers
Or da Tagesschau dals 11.01.2020.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga