Siglir tar il cuntegn

Header

May vegn ord da 10 Downing Street.
Legenda: «Il dretg deal per la Gronda Britannia» uschia la prim-ministra britannica Theresa May la gievgia a bun'ura avant las medias a Londra. Keystone
cuntegn

Brexit Cun gronds pass vers il Brexit: La decleraziun stat

La decleraziun dal Brexit stat. Ils negoziaders da la regenza britannica e da la cumissiun da l'Uniun europeica èn sa cunvegnids al sboz per ina decleraziun politica davart las relaziuns futuras. Quai ha confermà il president dal cussegl da l'UE Donald Tusk via Twitter.

Cunquai stat l'ultim element dal contract davart la sortida da la Gronda Britannia ord da l'Uniun Europeica UE – il uschenumnà Brexit. Quel è terminà sin ils 29 da mars 2019.

Il contract sco tal duai vegnir approvà definitivamain a la proxima dumengia tar l'inscunter suprem da l'UE a Brüssel. Fin là vegn il document examinà dals represchentants dals ulteriurs 27 stadis che fan part a l'UE.

La declaraziun da Donald Tusk via Twitter:

En ses tweet scriva il president dal cussegl da l'UE Donald Tusk ch'il pachet sco tal saja «da princip» er sancziunà sin livel politic.

La prim-ministra britannica Theresa May aveva contractà ier mesemna saira anc quasi duas uras cun il president da la cumissiun da l'UE Jean-Claude Juncker a Brüssel. Ella veglia dentant turnar la sonda anc ina giada per sclerir entgins puncts, scriva l'agentura da novitads SDA.

May: «Quai è il dretg deal per la Gronda Britannia»

En ina curta decleraziun uffiziala aveva la prim-ministra gia defendì la gievgia a bun'ura a Londra la declaraziun publicamain. Theresa May ha annunzià da vulair prender posiziun il suentermezdi avant il parlament a Londra davart la decleraziun.

RR novitads 14:00

Artitgels legids il pli savens

Scrollar a sanestra Scrollar a dretga